Москва: АҚШнинг газ қувурига қилинган кибер ҳужумга бизнинг ҳеч қандай алоқамиз йўқ
Россия президентининг матбуот котиби Америкадаги энг йирик ёқилғи қувурлари компаниясига киберҳужумда Россиянинг қӯли борлиги ҳақидаги янги иддаони рад қилди.
ТАСС ахборот агентлигининг хабар беришича, Россия президентининг матбуот котиби Дмитрий Песков АҚШ президенти Жо Байденнинг айбловларига жавобан Американинг энг йирик ёқилғи қувурлари "Colonial" компаниясига қилинган киберҳужумга алоқадорлиги ҳақидаги айбловларни рад этди.
Москва бу масала бўйича Вашингтон билан алоқада бўлишга тайёрми, деган саволга, Песков АҚШ кибержиноятчиликка қарши курашда ҳамкорлик қилишдан бош тортаётганини айтди.
Байден душанба куни ушбу киберҳужумнинг бажарувчиси Россияда эканлиги тӯғрисида далиллар мавжудлиги ва уларнинг бу масалага қарши курашиш масъулияти борлигини айтди.
Аввалроқ, "Darkside" номи билан танилган хакерлар гуруҳи АҚШнинг энг йирик ёқилғи қувур линияси компаниясига қилинган ҳужумга алоқадор бўлиши мумкинлиги ҳақида хабар тарқалган эди, кейинчалик CНН бу хакерлар гуруҳи Россияга тегишли эканлигини иддао қилди.
Ўтган шанба куни Reuters Американинг Colonial Pipeline компанияси кибер ҳужумга учраганлиги ва унинг бутун тармоғи фаолиятдан тӯхтагани ҳақида хабар берган эди.
