Россия иккинчи Евроосиё иқтисодий форумига мезбонлик қилмоқда
-
Россия иккинчи Евроосиё иқтисодий форумига мезбонлик қилмоқда
Россия пойтахти Москва шаҳрида Евроосиё иқтисодий форумининг иккинчи умумий йиғилиши бўлиб ўтди.
Эрон телерадиокомпаниясининг ўзбек тилидаги сайтининг хабар қилишича, маросимда Россия президенти Владимир Путин, Қирғизистон президенти Садир Жапаров, Беларус президенти Александр Лукашенко, Қозоғистон президенти Қосим Жўмарт Токаев, Арманистон бош вазири ўринбосари Меҳр Григорян ва Евроосиё иқтисодий комиссияси директорлари кенгаши раиси Михаил Миасникович иштирокида бўлиб ўтди.
Шунингдек, ХХР Раиси Си Сзинпиннинг форум иштирокчиларига видеомурожаати эьлон қилинди.
Иқтисодий иттифоқ мамлакатлари раҳбарлари иттифоқни ривожлантириш ва чуқурлаштириш истиқболларини муҳокама қилдилар. Шунингдек, интеграция жараёнлари, рақамлаштириш жараёнини жадаллаштириш, транспорт-логистика инфратузилмасини ривожлантириш, иқтисодий барқарорлик, Евроосиё институтларини ривожлантириш ва бизнес-режаларни қўллаб-қувватлаш бўйича қўшимча чора-тадбирлар муҳокама қилинди.
Шунингдек, ушбу иттифоққа аьзо давлатлар раҳбарлари илк очилиши 2022-йилда Бишкекда бўлиб ўтган форумни ўтказиш янги ва самарали аньанага айланиб бораётганини ҳам таькидладилар.
Иккинчи Евроосиё иқтисодий форуми 2023-йилда Россия Федерациясининг ушбу иттифоқ органларига раислиги доирасида ўтказилади, бу ҳамкорлик алоқаларини яхшилашга қаратилган.
