Թրամփի կողմնակիցների ստեղծած սոցիալական ցանցն ապահով ապաստան է դարձել ԻԼԻՊ-ի համար
Politico օրաթերթի հաղորդմամբ, ԱՄՆ նախկին նախագահի կողմնակիցների գործարկված GETTR սոցիալական ցանցը, գործարկումից ընդամենը շաբաթներ անց, ԻԼԻՊ-ի կողմնակիցների համար վերածվել է ահաբեկչական քարոզչության հարթակի:
Թերթը գրում է, որ այս սոցիալական ցանցը, որը մեկ ամիս առաջ բացել են ԱՄՆ նախկին նախագահ Դոնալդ Թրամփի կողմնակիցները, տարածում է ԻԼԻՊ-ին վերաբերող հոդվածներ: Ի թիվս այլ հրապարակումների, այստեղ տեղադրվում են տեսանյութեր, որտեղ ահաբեկիչները գլխատում են գերիներին, բռնություն պարունակող նյութեր և նույնիսկ ծայրահեղական պատկերներ՝ նարնջագույն հագուստ հագած Թրամփի մահապատժից, մի տարածքում, որը շատ նման է Գուանտանամոյի ծովածոցին:
Թերթը գրում է. «Նման նյութի արագ տարածումը վկայում է, որ GETTR ցանցը, որը փորձում է իրեն ներկայացնել որպես Ֆեյսբուքի և Թվիթերի նման արտահայտվելու ազատության այլընտրանք, դարձել է ծայրահեղականների անվտանգ ապաստարան»: