Իրանն ու Ռուսաստանը ստորագրել են փոխըմբռնման հուշագիր
Անվտանգության հարցերով երկրների բարձրագույն ներկայացուցիչների 12-րդ միջազգային գագաթնաժողովի շրջանակում Իրանի Ազգային անվտանգության բարձրագույն խորհրդի քարտուղար Ալի Աքբար Ահմադիանը և ՌԴ ԱԽ քարտուղար Նիկոլայ Պատրուշևը ստորագրել են անվտանգության ոլորտի վերաբերյալ փոխըմբռնման հուշագիր։
Փաստաթղթի ստորագրմամբ, տարբեր ռազմավարական ոլորտներում երկու երկրների միջև հարաբերությունների և համագործակցության մակարդակը կբարձրանա։
Այս մասին հայտնում է IRNA լրատվական գործակալությունը։
Ռուսաստանում ընթացող Անվտանգության հարցերով բարձր ներկայացուցիչների 12-րդ միջազգային գագաթնաժողովի շրջանակներում, ԻԻՀ ազգային անվտանգության գերագույն խորհրդի քարտուղարը հանդիպել է Չինաստանի, Բրազիլիայի, Աֆրիկայի և Հարավային Կովկասի բարձրաստիճան պաշտոնյաների հետ:
Ահմադյանը հանդիպել է Չինաստանի Կոմունիստական կուսակցության կենտրոնական գրասենյակի քաղաքական և իրավական կոմիտեի քարտուղարի, ՀԱՀ Պետական անվտանգության գործակալության տնօրենի և Բրազիլիայի նախագահի հատուկ խորհրդականի հետ։
Անվտանգության հարցերով բարձր ներկայացուցիչների 12-րդ միջազգային գագաթնաժողովն անցկացվել է Իրանի ազգային անվտանգության գերագույն խորհրդի քարտուղար Ալի Աքբար Ահմադիանի, և 106 երկրների ԱԽ քարտուղարների, հետախուզական ծառայությունների ղեկավարների, ազգային անվտանգության խորհրդականների, փոխվարչապետների, ամսնակցությամբ։
Սանկտ Պետերբուրգի գագաթնաժողովի շրջանակում կայացել է չորս հանդիպում՝ «Տեղեկատվական անվտանգության ապահովումը ձևավորվող բազմաբևեռ աշխարհում (սպառնալիքներ և հնարավորություններ)», «Ազգային ինքնության և ավանդական արժեքների պահպանումն անվտանգության, խաղաղության և միջազգային կայունության պահպանման նպատակով», «Միջազգային համագործակցություն անօրինական ներգաղթի դեմ պայքարի համար» և «բնակչության պաշտպանության հիմնախնդիրները ռազմական հակամարտությունների և բնական և անբնական բնույթի արտակարգ իրավիճակներում» թեմաներով։
Նիստի շրջանակներում կազմակերպվել է նաև ռազմական արտադրանքի, առաջադեմ տեխնոլոգիաների, տեղեկատվական անվտանգության և նոր մարտահրավերների դեմ պայքարի և միջուկային էներգետիկայի թեմայով ցուցահանդես։
