Ալեն Սիմոնյանն ու Շալվա Պապուաշվիլին քննարկել են հայ-վրացական համագործակցության հեռանկարը
ՀՀ Ազգային ժողովի նախագահ Ալեն Սիմոնյանը, որն աշխատանքային այցով գտնվում է Վրաստանում, հանդիպում է ունեցել Վրաստանի խորհրդարանի նախագահ Շալվա Պապուաշվիլիի հետ:
Վրաստանի խորհրդարանի նախագահը հանդիպման մասին գրառում է արել ֆեյսբուքյան էջում։
Պապուաշվիլին Միրզոյանի հետ քննարկել է երկու երկրների ռազմավարական համագործակցությունը, խորհրդարանական փոխգործակցության խորացմանն առնչվող հարցեր:
Կողմերը պայմանավորվել են ամրապնդել երկկողմ կապերը։ Անդրադարձ է կատարվել նաև աշխարհաքաղաքական փոփոխություններին և Հարավային Կովկասում տիրող իրավիճակին:
Զրուցակիցները վերահաստատել են տարածաշրջանում խաղաղության, կայունության և վստահության հաստատմանն ուղղված ջանքերի պատրաստակամությունը:
Վրացական կողմը ողջունել է Հայաստանի` ԵՄ-ի հետ երկխոսությունը խորացնելու ջանքերը և առաջարկել է փոխանցել իր փորձը։
arm.sputniknews
