Թեհրանի քաղաքապետարանի պատվիրակության հանդիպումը Երևանի քաղաքապետի տեղակալի հետ
Թեհրանի քաղաքապետարանի պատվիրակությունը՝ քաղաքային ծառայությունների և շրջակա միջավայրի հարցերով քաղաքապետի տեղակալ Դավուդ Գուդարզիի գլխավորությամբ, հանդիպել և զրուցել է Երևանի քաղաքապետի տեղակալ Սարգիս Մադաթյանի հետ։
Հանդիպման ընթացքում կողմերը քննարկել են երկու քաղաքապետարանների միջև համագործակցության ուղիները, քաղաքային կապերի զարգացումը և քաղաքային կառավարման տարբեր ոլորտներում փորձի փոխանակումը։
Հանդիպմանն անդրադարձ է կատարվել նաև հասարակական տրանսպորտի, քաղաքային ծառայությունների, թափոնների կառավարման, կանաչապատման և երկուստեք հետաքրքրություն ներկայացնող այլ ոլորտներում համատեղ համագործակցության ընդլայնման առկա ներուժին։
Սարգիս Մադաթյանը, ողջունելով Թեհրանի քաղաքապետարանի հետ համագործակցության զարգացումը, ընդգծել է փորձի փոխանակման և քաղաքային ծրագրերն ու նախագծերը կյանքի կոչելու համար համատեղ ներուժի օգտագործման կարևորությունը։
Թեհրանի քաղաքապետարանի պատվիրակության անդամները նույնպես ընդգծել են իրենց պատրաստակամությունը՝ ամրապնդելու երկու քաղաքների միջև կապերը և հետամուտ լինելու համատեղ համագործակցության ուղիներին։
Թեհրանի քաղաքապետարանի պատվիրակությունը Երևան կատարած այցի շրջանակում, ՀՀ ԻԻՀ դեսպան Խալիլ Շիր Ղոլամիի ուղեկցությամբ, հանդիպել և քննարկումներ է անցկացրել Երևանի «Կարեն Դեմիրճյան»-ի անվան մետրոպոլիտենի գլխավոր տնօրեն Բաբկեն Սեդրակյանի հետ։
Հանդիպման ընթացքում կողմերը քննարկել են երկաթուղային տրանսպորտի և մետրոպոլիտենի ոլորտներում համագործակցության հնարավորությունները, Երևանի մետրոպոլիտենի ենթակառուցվածքների զարգացման և արդիականացման, ինչպես նաև իրանական ընկերությունների տեխնիկական և մասնագիտական ներուժն օգտագործելու հնարավորությունները։
