Իրանի բանակի ուժերը գերության վերցրին ենթադրյալ թշնամուն
ԻԻՀ բանակի հատուկ ծառայության ուժերի 65-րդ բրիգադի հրամանատարն ասել է. «Այս բրիգադն իրականացնելով պարաշուտային գործողություն և տարածաշրջանում անվտանգության ապահովման քայլեր, ոչնչացրեց ենթադրյալ թշնամու խմբերին և գերության վերցրեց նրանց պարագլխին»:
ԻՌՆԱ-ի հաղորդման համաձայն, Իրանի բանակի «Հզորություն 97» զորավարժության շրջանակներում, բանակի հատուկ ծառայության ուժերի 65-րդ բրիգադի հրամանատար բրիգադային գեներալ Սիրուս Ամանոլլահին ուրբաթ օրն ասել է. «ԻԻՀ բանակի հատուկ ծառայության ուժերի 65-րդ բրիգադը հիշյալ զորավարժությանը մասնակցել է հատուկ նշանակությամբ առաքելությունների իրականացման համար»:
«Թշնամու ներթափանցած տարրերի փախուստը կանխելու և տարածաշրջանի անվտանգության ապահովման նպատակով, բրիգադի ուժերը գործողություն են իրականացրել զորավարժության գործողության դաշտի ձախ կողմում»,-հավելել է Իրանի բանակի հատուկ ծառայության ուժերի 65-րդ բրիգադի հրամանատարը:
ԻԻՀ բանակի ցամաքային ուժի «Հզորություն 97» զորավարժությունն այս ուժի տարբեր ստորաբաժանումների օպերատիվ դիրքավորմամբ, ուրբաթ օրը մեկնարեց Իրանի կենտրոնում գտնվող Սպահանի Նասրաբադ տարածքում: