Ռոհանին բարձր է գնահատել կորոնավիրուսի դեմ պայքարին ուղղված Իրանի Զինված ուժերի ջանքերը
ԻԻՀ նախագահը բարձր է գնահատել կորոնավիրուսի դեմ պայքարին ուղղված երկրի Զինված ուժերի ջանքերը:
Չորեքշաբթի օրը, պատասխանելով կորոնավիրուսի դեմ պայքարի ոլորտում կանխարգելիչ միջոցառումների վերաբերյալ Իրանի Զինված ուժերի գլխավոր շտաբի պետ գեներալ-մայոր Մոհամմադ Բաղերիի զեկույցին, Իսլամական հանրապետության նախագահ Հասան Ռոհանին գրել է․ «Շնորհակալություն եմ հայտնում Իրանի Զինված ուժերին՝ այս զգայուն պայմաններում ձեռնարկած միջոցառումների համար»։
Իրանում կորոնավիրուսի առաջին դեպքը հայտնաբերվելուց ի վեր, Զինված ուժրը կանգնած են եղել երկրի առողջապահության նախարարության պաշտոնյաների կողքին և նրանց հետ համագործակցել են կորոնավիրուսի դեմ պայքարում։
Իրանի առողջապահության, բուժման և բժշկական կրթության նախարարության վերջին տվյալներով՝ երկրում 47 հազար 593 մարդ վարակվել է կորոնավիրուսով։ Վերջին 24 ժամերի ընթացքում գրանցվել է մահվան 138 դեպք։
