Ժողովուրդների նկատմամբ ճնշում գործադրելու փոխարեն, պետք է ապահովել միջազգային համագործակցություն
Իրանի Իսլամական Հանրապետության նախագահն ասել է․ «Տնտեսական ահաբեկչության և ռազմական սպառնալիքի շրջանակներում ժողովուրդների նկատմամբ ճնշում գործադրելու փոխարեն, պետք է ապահովել երկկողմ, բազմակողմ և միջազգային համագործակցություն՝ գոյություն ունեցող սպառնալիքների դեմ պայքարելու համար»։
Երկուշաբթի օրը, տեսակոնֆերանսի ձևաչափով կայացած Չմիավորման շարժման անդամ երկրների գագաթաժողովում, ԻԻՀ նախագահ Հասան Ռոհանին բոլոր երկրներին կոչ է արել համագործակցել կորոնավիրուսի դեմ պայքարում։ Նա նշել է․ «ԱՄՆ-ի հակաիրանական շրջափակումների պատճառով, Իրանում բժշկական պարագաների ապահովումը սովորաբար ուղեկցվել է բարդություններով և երբեմն եղել է անհնար։ Այդ շրջափակումները խոչընդոտել են կորոնավիրուսի պանդեմիայի դեմ Իսլամական հանրապետության պայքարին»։
Ռոհանին հավելել է․ «ԱՄՆ-ն արդեն մի քանի տասնամյակ իր միակողմանի և անօրինական շրջափակումներով, ոչ միայն ոտնահարել է Իրանի ժողովրդի իրավունքները, այլև սպառնացել է միջազգային համագործակցությանն ու միակողմանիությանը»։
Նշելով, որ Առողջապահության համաշխարհային կազմակերպության թուլացումը նշանակում է կորոնավիրուսի դեմ համաշխարհային պայքարի թուլացում, նախագահ Ռոհանին ասել է․ «ԱՀԿ-ի ֆինանսավորումը դադարեցնելու ԱՄՆ կառավարության անարդար, հապճեպ և անպատասխանատու քայլը պետք է դիտարկել, որպես այդ կառավարության ևս մեկ ռազմավարական սխալ»։
