Ռոհանին կարևորել է Իրանի ու Ղրղզստանի միջև տնտեսական հարաբերությունների զարգացումը
Կարևորելով Ղրղզստանի հետ տնտեսական հարաբերությունների զարգացումը, Իրանի իսլամական հանրապետության նախագահն ասել է.«Եվրասիական տնտեսական միությունը լավ ենթահող է ստեղծել երկու երկրի միջև տնտեսական համագործակցության ընդլայնման համար, որի միջոցով մենք կարող ենք զարգացնել և խորացնել մեր համագործակցությունը»:
Երեքշաբթի օրը, Ղրղզստանի նախագահ Սուրենբայ Ջինբեկովի հետ հեռախոսազրույցում, ԻԻՀ նախագահ Հասան Ռոհանին հավելել է.«Երկու երկրի միջև տնտեսական համագործակցության համար չպետք է սպասել կորոնավիրուսի ավարտին, քանզի կարելի է առողջապահական ցուցումների շրջանակում մեծացնել առևտրային փոխանակումների ծավալը և ընդլայնել տնտեսական համագործակցությունը»:
Ռոհանին ասել է.«Չնայած Իրանին ԱՄՆ-ի պարտադրված ճնշումներին ու սահմանափակումներին, բարեբախտաբար, Իսլամական հանրապետությունը կորոնավիրուսի դեմ պայքարում լավ հաջողություններ է ունեցել և նույնիսկ կարողացել է կորոնավիրուսի դեմ պայքարում օգնել իր որոշ բարեկամ երկրներին, այդ թվում Ղրղզստանին»:
Ղրղզստանի նախագահ Սուրենբայ Ջինբեկովն ասել է. «Ղրղզստանը մշտապես կմնա Իրանի բարեկամն ու եղբայրը , կարևորելով բոլոր ոլորտներում երկկողմ հարաբերությունների խորացումը»:
