Իրանի կրոնագիտական դպրոցների տնօրեն.«Ազատության անվան տակ Ղուրանի դեմ ոտնձգությունը զավեշտալի է»
Իրանի կրոնագիտական դպրոցների տնօրենն ասել է.«Ազատության անվան տակ մուսուլմանների սուրբ Գրքի՝ Ղուրանի դեմ ոտնձգությունը զավեշտալի է»:
Հինգշաբթի օրն արձագանքելով Շվեդիայում Ղուրանը սրբապղծելու քայլին, և դատապարտելով իմպերիալիստների աջակցությամբ իրականացված այդ թեթևամիտ արարքը, Այաթոլլահ Ալիռեզա Արաֆին աշխարհի ժողովուրդներին կոչ է արել հստակ դիրքորոշում ցուցաբերել նման ծայրահեղական քայլի նկատմամբ: Նա միջազգային կառույցներին ևս կոչ է արել ընդունել կանխարգելիչ օրենքներ և ընդհանուր կրոնական կանոնադրություն:
Օգոստոսի 28-ին Շվեդիայի Մալմո քաղաքի Ռուսենգորդ շրջանում այդ երկրի աջ ծայրահեղական խմբերի կողմից իրականացված չարտոնված և անօրինական ցույցերի ընթացքում, աջ ծայրահեղականները հրկիզել են Ղուրանի մի հատորը, և մեկ հատորն էլ ոտքի տակ տրորել:
Այդ դեպքից հետո Մալմո քաղաքում զանգվածային անկարգություններ են տեղի ունեցել և ոստիկանությունը բերման է ենթարկել 20 մարդու:
Հայերեն ռադիոալիքին հետևեք սոցցանցերում.
https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio
