Իրանի հյուսիս-արևմուտքում ահաբեկչական խումբ է չեզոքացվել
Մայիս 30, 2021 18:10 Asia/Tehran
ԻՀՊԿ ռազմացամաքային ուժերը հայտնել են, որ Իրանի արևմտյան Ատրպատական նահանգում ահաբեկչական խմբավորում է չեզոքացվել:
«Ալ-Ալամ» հեռուստաընկերության հաղորդման համաձայն, Իսլամական հեղափոխության պահապանների կորպուսի ռազմացամաքային ուժերը կիրակի օրը հայտարարություն են տարածել, որում ասված է. « Իրանի անվտանգության ուժերը երեկ երեկոյան բախվել են հակահեղափոխական խմբավորման անդամների հետ, որոնք պատրաստվում էին Փիրանշահրի սահմանից մուտք գործել Իրան»:
Բախման ընթացքում ոչնչացվել է երկու ահաբեկիչ, առգրավվել է նրանց պատկանող որոշ քանակությամբ զենք և զինամթերք: