Նահատակվել է Իմամ Ռեզայի սրբավայր դամբարանում տեղի ունեցած ահաբեկչական դեպքի հետևանքով վիրավորներից ևս մեկը
Իրանի Մաշհադ քաղաքում գտնվող Իմամ Ռեզայի սրբավայր դամբարանում տեղի ունեցած ահաբեկչական դեպքի հետևանքով վիրավորված հոգևորական Հոջաթ-օլ-էսլամ Մոհամմադ Սադեղ Դարային նահատակվել է:
Երեքշաբթի օրը, Մաշհադ քաղաքում գտնվող աշխարհի շիաների 8-րդ առաջնորդ Իմամ Ռեզայի սրբավայր դամբարանի տարածքում, դանակով զինված թաքֆիրական անձը հարձակվել էր իրանցի երեք հոգևորականների վրա: Հոգևորականներից մեկը տեղում մահացել էր, երկուսը տեղափոխվել էին հիվանդանոց:
Iran Press լրատվական գործակալության հաղորդման համաձայն՝ ռամազանի բարեբաստիկ ամսվա 5-րդ օրը տեղի ունեցած ահաբեկչական հարձակման հետևանքով վիրավորված հոգևորական Հոջաթ-օլ-էսլամ Դարային նահատակվել է սրբազան Մաշհադ քաղաքի Քամյաբ հիվանդանոցում:
Բարեպաշտ ու ջիհադական այս երեք հոգևորականները, որոնք տարիներ շարունակ ծառայել են Մաշհադի ծայրամասերում՝ զրկանքները վերացնելու համար, երեքշաբթի օրը սրբավայրում հարձակման ենթարկվեցին դանակով զինված անձի կողմից:
Հարձակվողը ձերբակալվել է իրավապահների օգնությամբ և հանձնվել Իրանի անվտանգության ծառայության աշխատակիցներին։