Իրանի բանակի գլխավոր հրամանատար. Իրանի դեմ ուղղված ցանկացած սպառնալիքին հետևելու է կոշտ պատասխան
Իրանի Իսլամական Հանրապետության բանակի գլխավոր հրամանատարն ասել է, որ «Ազնիվ Խոստում» կոչվող պատժիչ գործողությունը ցույց տվեց, որ Իրանի դեմ ցանկացած սպառնալիքին հետևելու է կոշտ պատասխան, և որ ոչ մի երկիր չի կարող ազդել Իրանի որոշումների վրա։
ԻՌՆԱ-ի հաղորդման համաձայն, Իրանի Իսլամական Հանրապետության բանակի գլխավոր հրամանատար, գեներալ-լեյտենանտ Սեյեդ Աբդուլ Ռահիմ Մուսավին հինգշաբթի օրը Իրանի հարավ-արևմուտքում գտնվող Քոհգիլույեհ և Բույերահմադ նահանգում իրանական բանակի 208 նահատակներին նվիրված հանդիպմանը հայտարարեց, որ Սիոնիստական բռնազավթիչ ռեժիմը, որը հարձակվել է անպաշտպան Գազա քաղաքի վրա և ամենաահավոր ձևով ռմբակոծում է հազարավոր կանանց ու երեխաների, անգամ որևէ ռազմական գործողությանը արժանի չէ, իսկ Իսլամական Հանրապետության «Ազնիվ Խոստում» ռազմական գործողությունը պատժիչ պատասխան էր, որի ընթացքում թիրախավորվեց և խոցվեց ավելի քան 1500 կիլոմետր հեռավորության վրա գտնվող ռազմական կետը։
նշելով, որ Իսրայելն օգտագործեց իր ողջ տեխնիկան և ուժը՝ հակազդելու «Ազնիվ Խոստում» պատժիչ գործողությանը, Գեներալ-լեյտենանտ Մուսավին ասել է, որ Իրանի Իսլամական Հանրապետությունը լավ կատարեց իր առաքելությունը և աշխարհին ապացուցեց, որ Իսլամական Իրանի դեմ ուղղված ցանկացած սպառնալիքին հետևելու է ճշգրիտ և հուժկու պատասխան։
Իրանի Իսլամական Հանրապետության բանակի գլխավոր հրամանատարն ընդգծել է, որ Իրանի Իսլամական Հանրապետությունը սպառնալիքներին ճշգրիտ և հուժկու կերպով կպատասխանի հարմար ժամանակում և տեղում, և դա ուղերձ է Իրանի Իսլամական Հանրապետության բոլոր թշնամիներին։
2024 թվականի ապրիլի 1-ին, Սիոնիստական ռեժիմը ահաբեկչական հարձակում գործեց Դամասկոսում Իրանի դեսպանատան հյուպատոսական բաժնի վրա, ինչի հետևանքով զոհվեցին Իրանի 7 ավագ ռազմական խորհրդականներ:
Իսլամական հեղափոխության գերագույն առաջնորդ, Իրանի զինված ուժերի գերագույն գլխավոր հրամանատար Այաթոլլահ Խամենեին Թել Ավիվի գործողությունը որակեց հարձակում Իրանի Իսլամական Հանրապետության տարածքի վրա՝ ընդգծելով, որ Սիոնիստական ռեժիմը «կպատժվի»։
Այս կապակցությամբ, 2024թ. ապրիլի 14-ին Իսլամական հեղափոխության պահապանների կորպուսը քայլեր ձեռնարկեց պատժելու այս ագրեսոր ռեժիմին՝ անօդաչու թռչող սարքեր և հրթիռներ արձակելով օկուպացված տարածքների ուղղությամբ՝ «Ազնիվ խոստում» պատժիչ գործողության միջոցով։