Իրանական ընկերությունը ԵԱՏՄ հետ համաձայնագիր է կնքել՝ Պարսից ծոցի և աֆրիկյան երկրների հետ առևտրի վերաբերյալ
Իրանական ընկերությունը ԵԱՏՄ-ի հետ ստորագրել է գործընկերության և ռազմավարական համագործակցության համաձայնագիր՝ տարածաշրջանի պարենային անվտանգությունն ապահովելու և Իրան-ԵԱՏՄ տրանսպորտային ուղիներն ակտիվացնելու վերաբերյալ։
ԻՌՆԱ-ն, հղում անելով Մոսկվայում Իրանի դեսպանատանը, հայտնում է, որ պայմանագիրը կնքվել է Իրանի «Ջիհադ Էսթեղլալ» ինստիտուտի և ԵԱՏՄ «Ագրոէքսպրես» հոլդինգի միջև։
«Ագրոէքսպրես» հոլդինգին անդամակցում են խոշոր ընկերություններ Ռուսաստանից, Ղազախստանից, Ղրղզստանից, Բելառուսից և Հայաստանից։
Մոսկվայում ԻԻՀ դեսպան Քազեմ Ջալալին, փաստաթղթի ստորագման շրջանակներում կարևորել է Իրան-ԵԱՏՄ համագործակցության ընդլայնումը և նշել , որ այս համաձայնագիրը հարաբարությունները զարգացնելուն ուղղված՝ երկու կողմերի ջանքերի արդյունքն է։
Պայմանագիրը հնարավորություն կտա դյուրացնել պարենային ապրանքների առևտուրը տարածաշրջանի երկրների միջև և օգտագործել Իրանի տարանցիկ հնարավորությունները՝ Պարսից ծոցի և աֆրիկյան երկրներ հացահատիկ, միս և յուղոտ սերմեր արտահանելու համար։
