Բաղայիի արձագանքը Եմենում ռազմական ագրեսիային և Գազայում տեղի ունեցող ցեղասպանությանը
Pars Today - Իրանի արտգործնախարարության խոսնակը դատապարտել է Եմենի վրա ԱՄՆ-ի շարունակվող ավիահարվածները և Սիոնիստական ռեժիմի կողմից Գազայում մարդկանց կոտորածը:
Ինչպես հաղորդում է Pars Today-ը՝ վկայակոչելով IRNA-ին, Իրանի ԱԳՆ խոսնակ Էսմայիլ Բաղային Եմենի վրա ԱՄՆ-ի շարունակվող ավիահարվածները և օկուպացված Պաղեստինում Գազայում մարդկանց կոտորածը որպես ագրեսիայի և պատերազմական հանցագործությունների օրինակ է որակել և ընդգծել. «ՄԱԿ-ի Անվտանգության խորհրդի և այլ միջազգային կառույցների անգործությունը այս հանցագործությունների նկատմամբ ամոթալի է և անհիմն»։
Իսմայիլ Բաղային խորը ափսոսանք է հայտնել խաղաղ բնակիչների, այդ թվում՝ անմեղ կանանց և երեխաների սպանության և Եմենի կենսական ենթակառուցվածքների ոչնչացման կապակցությամբ:
Իրանի արտաքին գործերի նախարարության խոսնակն, անդրադառնալով Գազայի տարբեր շրջանների ռմբակոծությունների ընթացքում հարյուրավոր պաղեստինցիների կոտորածին, Սիոնիստական ռեժիմի սպառազինական, ֆինանսական և քաղաքական աջակիցներին համարել Սիոնիստական ռեժիմի հանցագործությունների մեղսակիցներ՝ նշելով․ ԱՄՆ-ի Դեմոկրատական կուսակցության իշխանության և Բայդենի նախագահության օրոք սկսած Եմենի վրա ԱՄՆ-ի հարձակումների համընկնումը Գազայում ցեղասպանության սրացման հետ կասկած չի թողնում իսլամական ումման թուլացնելու և պաղեստինյան ճնշված ժողովրդի հետ համերաշխության և նրանց աջակցության ցանկացած կոչ լռեցնելու ամերիկա-սիոնիստական համատեղ դավադրության մասին:
Ընդգծելով Իսլամական Ումմայի ընդհանուր պատասխանատվությունը՝ Պաղեստինի ժողովրդի և իսլամական երկրների դեմ Սիոնիստական ռեժիմի հանցագործությունները և Միացյալ Նահանգների ոտնձգությունները դադարեցնելու հարցում, Բաղային պահանջել է այս հարցում իսլամական պետությունների համակողմանի և արդյունավետ գործողությունները և Իսլամական համագործակցության կազմակերպության ջանքերն այդ նպատակով:
Լրատվական աղբյուրները հայտնել են այսօր՝ հինգշաբթի վաղ առավոտից մինչ այժմ Գազայի հատվածի վրա Իսրայելի ռեժիմի հարձակումների հետևանքով առնվազն 71 պաղեստինցի քաղաքացիների նահատակության մասին։ Այսօր առավոտյան Գազայի հատվածի վրա հարձակումների ժամանակ Գազայի հյուսիսում և հարավում ավերվել են առնվազն 10 տուն, մարդասիրական օգնություն պարունակող մեկ պահեստ և մեկ մզկիթ։
Այդ կապակցությամբ ԱՄՆ-ը և Բրիտանիան, ի աջակցություն Սիոնիստական ռեժիմի, 2025 թվականի մարտի 15-ից սկսել են ավիահարվածներ հասցնել Եմենին՝ թիրախավորելով այդ երկրի բնակելի թաղամասերն ու քաղաքացիական կենտրոնները:
