Իրանի դատական իշխանության ղեկավարը քննադատել է մարդու իրավունքների նկատմամբ արևմուտքի երկակի մոտեցումը
Իրանի դատական իշխանության ղեկավարն ասել է.«Իրանի իսլամական հանրապետությունը հակահեղափոխականների և ահաբեկչական խմբավորումների զեկույցները որպես մարդու իրավունքների պաշտոնական զեկույցներ չի ընդունում»:
Իրանի դատական ոլորտի բարձրաստիճան պաշտոնյաների մասնակցությամբ գումարված նիստում, անդրադառնալով ՄԱԿ-ի՝ Իրանում մարդու իրավունքների հարցերով հատուկ զեկուցող Ասմա Ջահանգիրի գործունեության երկարաձգմանը, Այաթոլլահ Սադեղ Ամոլի Լարիջանին հստակեցրել է.«Ցավոք ՄԱԿ-ի մարդու իրավունքների կառույցները դարձել են ճնշման լծակ անկախ երկրների համար»:
Նշելով, որ ՄԱԿ-ի մարդու իրավունքների կառույցները կախված են գերտերություններից և քննադատելով այդ փաստը, Այաթոլլահ Ամոլի Լարիջանին հավելել է.«Այդ կառույցները փաստորեն լռություն են պահպանել ու ոչ մի հակազդեցություն չեն ցուցաբերում Սիոնիստական ռեժիմի ոճրագործությունների և Եմենում ու այլ տարածաշրջաններում Սաուդյան Արաբիայի կողմից իրականացվող ոճիրների նկատմամբ»:
«Թեհրանը սկզբից միջազգային օրենքներին դեմ էր համարում Իրանում մարդու իրավունքների հարցերով հատուկ զեկուցողի նշանակումը», ասել է Իրանի դատական իշխանության ղեկավարը հույս հայտնելով ,որ մարդու իրավունքների կառույցները փոխելով իրենց գործելաոճը, իրենց պաշտոնական զեկույցները ահաբեկչական խմբավորումների անհիմն հայտարարությունների հիմամբ չեն պատրաստի:
ՄԱԿ-ի մարդու իրավունքների խորհուրդը մարտի 24-ին մի բանաձև հրապարակելով ևս մեկ տարով երկարաձգել է Իրանում մարդու իրավունքների հատուկ զեկուցող՝ Ասմա Ջահանգիրի առաքելությունը: