Ղասեմի. ԱՄՆ-ն այլ երկրներում մարդու իրավունքների մասին տեսակետ հայտնելու արժանավորությունը չունի
ԻԻՀ ԱԳ նախարարի խոսնակն ասել է. «Իր ներքին ու արտաքին մերժված վկայականի պատճառով ԱՄՆ-ն այնպիսի դիրքում չի գտնվում, որ կարողանա այլ երկրներում մարդու իրավունքների վիճակի մասին կարծիք հայտնել կամ քայլ ձեռնարկել»:
ԱՄՆ-ի գանձապահության նախարարությունը հինգշաբթի օրը շարունակելով Իրանի դեմ թշնամական քաղաքականությունները, մարդու իրավունքները ոտնահարելու պատճառով Վաշինգտոնի շրջափակումների նոր ցուցակում ներառեց Թեհրանի բանտերի կազմակերպությանը և Իրանի բանտերի պատասխանատուներից մեկին:
ԻԻՀ ԱԳ նախարարության խոսնակ Բահրամ Ղասեմին այդ կապակցությամբ ասել է. «ԱՄՆ-ի կառավարության քաղաքական որոշակի նպատակներ հետապնդող քայլերն ու մարդու իրավունքների ոտնահարման անհիմն մեղադրանքով անկախ երկրների ֆիզիկական ու իրավաբանական անձանց դեմ կրկնված քայլերը, անվիճելիորեն ոտնահարում են միջազգային ու մարդու իրավունքները և անօրինական ու ապօրինի քայլ են համարվում»:
«Միջազգային որևէ կառույց ու շրջանակ ԱՄՆ-ին պարտականություն չի տվել այլ երկրներում մարդու իրավունքների մասին տեսակետ հայտնել ու այդ կապակցությամբ որոշում ընդունել»,-հավելել է Ղասեմին:
ԻԻՀ ԱԳ նախարարության խոսնակն ընդգծել է. «ԱՄՆ-ն նման քայլերով փորձում է քողարկել մարդու իրավունքների բնագավառում իր դիմագրաված բարդությունները և աշխարհի հասարակական կարծիքը շեղել այդ երկրի ոճրագործություններից և տարածաշրջանում իր դաշնակիցների, հատկապես Սիոնիստական ռեժիմի կողմից մարդու իրավունքների բացահայտ ոտնահարման հանդեպ ցուցաբերած հովանավորությունից»: