Զարիֆ. Բոլոր իրանցիներն «Իսլամական հեղափոխության պահակազոր» են
ԻԻՀ ԱԳ նախարարն արձագանքելով Իրանի և Իսլամական հեղափոխության պահակազորի դեմ Թրամփի թշնամական հայտարարություններին, նշել է. «Բոլոր իրանցիները, կին թե տղամարդ, ծեր թե երիտասարդ, «Իսլամական հեղափոխության պահակազոր են»:
Մոհամմեդ Ջավադ Զարիֆը շաբաթ օրը Թուիթերում կատարած գրառման մեջ նշել է. «Իրանցիները կանգնած են նրանց թիկունքին, ովքեր Իրանն ու տարածաշրջանը պաշտպանում են ոտնձգության ու ահաբեկչության դիմաց»:
Ուրբաթ օրը ԱՄՆ նախագահ Դոնալդ Թրամփը կրկնելով Իրանի ժողովրդի դեմ իր անհիմն ու անարժեք մեղադրանքները ու չհաստատելով ՀԳՀԾ-ի ոգու հանդեպ Թեհրանի հավատարմությունը, հայտարարեց, որ Իրանն աջակցում է ահաբեկչությանը և Իսլամական հեղափոխության պահակազորի անունը ներառեց նոր շրջափակումների ցուցակում:
Իրանի իսլամական հեղափոխության պահակազորն Իրաքում ու Սիրիայում թաքֆիրական-ահաբեկչական խմբերի դեմ պայքարի նպատակով, հիշյալ երկրների պաշտոնական դիմումի համաձայն, խորհրդատվական օժանդակություն է ցուցաբերում նրանց:
