Իրանը շնորհակալություն է հայտնել միջազգային հանրությանը. Զարիֆ.«Երկրաշարժի պայմաններում ճգնաժամային կառավարման կարողությունն ունենք»
Երեքշաբթի առավոտյան, թուիթերում արած քրառման մեջ, Իրանի արտգործնախարարը շնորհակալություն է հայտնել տարբեր երկրների ցավակցությունների և երկրաշարժից տուժածներին օգնություն ցուցաբերելու առաջարկության կապակցությամբ: Զարիֆը նշել է, որ ներկա պայմաններում Իրանը ներքին հնարավորություններով, երկրաշարժի պայմաններում ճգնաժամային կառավարման կարողությունն ունի:
Կիրակի գիշեր Իրանի արևմտյան և Իրաքի արևելյան շրջաններում Ռիխտերի սանդղակով 7.3 բալ ուժգնությամբ երկրաշարժ է տեղի ուենցել, որի հետևանքով մինչ այս պահը զոհվել է 413 մարդ և 7370 ուրիշներ վիրավորվել են: Մինչ այս պահը Քերմանշահ նահանգում գրանցվել է 193 հետցնցում :
Տարբեր երկրների ու միջազգային կազմակերպությունների մեծ թվով ղեկավարներ, երկրաշարժից հետո հղած ուղերձներում կամ ԻԻՀ պաշտոնատարների հետ հեռախոսազրույցներում, վշտակցել են Իրանի ժողովրդի ու կառավարության հետ և պատրաստակամություն են հայտնել երկրաշարժից տուժածներին օգնություն ցուցաբերելու կապակցությամբ:
Հոջաթոլէսլամ Աբդոլհոսեյն Մոեզին գլխավորելով իսլամական հեղափոխության մեծարգո առաջնորդի կողմից նշանակված պատվիրակությունը, մեկնել է Քերմանշահ՝ երկրաշարժից տուժած շրջաններ այցելելու և ծառայությունների ցուցաբերման գործընթացին հետևելու նպատակով:
Երեքշաբթի օրը, նախագահ Ռոհանին ևս մեկնել է Քերմանշահ և այցելել է երկրաշարժից տուժած շրջաններ:
Երկրաշարժից առաջին ժամերից սկսվել է տուժածների բնակեցումը և կառավարության, պահակազորի, բանակի ու հավաքազորային ուժերի հնարավորություններով շարունակվում են փրկարարական աշխատանքները: