Ռոհանին և Էրդողանը կարևորել են Պաղեստինի դեմ ուղղված դավադրությանը դիմակայելու հարցը
Չորեքշաբթի օրը ԻԻՀ նախագահ Հասան Ռոհանին և Թուրքիայի նախագահ Ռեջեբ Թայիբ Էրդողանը հեռախոսազրույց են ունեցել, որի ընթացքում քննարկել են Պաղեստինի վերջին իրադարձությունները:
Հեռախոսազրույցի ընթացքում Հասան Ռոհանին անդրադառնալով Էրդողանի կողմից առաջարկված Իսլամական համագործակցության կազմակերպության արտահերթ նիստի կայացմանն Ստամբուլում, ասել է.-«Իրանը համոզված է, որ ներկա պայմաններում իսլամական բոլոր երկրները պետք է միավորվեն ԱՄՆ-ի այդ անօրինական, ագրեսիվ և վտանգավոր որոշմանը դիմակայելու համար»:
ԻԻՀ նախագահը հստակեցրել է.-«Իրանն աշխարհի բոլոր խաղաղասեր և իսլամական երկրներին կոչ է անում դիմադրություն ցուցաբերել այդ անօրինական որոշմանը»:
Անդրադառնալով Սիոնիստական ռեժիմի կողմից ՄԱԿ-ի բոլոր բանաձևերի հանդեպ ցուցաբերած անտարբերությանը, Հասան Ռոհանին հավելել է.-«Տարածաշրջանում անկայունություն առաջացնելու պատասխանատուն անկասկած Սիոնիստական ռեժիմն է»:
Ընդգծելով, որ Երուսաղեմը Պաղեստինի անքակտելի մասն է կազմում, Ռոհանին նշել է.-«Իսլամական երկրները և մուսուլմանները պետք է այս դժվարին պայմաններում աջակցեն Երուսաղեմին»:
Թուրքիայի նախագահ Ռեջեբ Թայիբ Էրդողանը հստակեցրել է.-«ԱՄՆ-ի կողմից Երուսաղեմը որպես Սիոնիստական ռեժիմի մայրաքաղաք ճանաչելու հավանականության կապակցությամբ Դոնալդ Թրամփի որոշումը ոտնահարում է մարդու իրավունքները և խախտում Երուսաղեմի վերաբերյալ ՄԱԿ-ի բոլոր որոշումները »:
Էրդողանը իսլամական բոլոր երկրներին կոչ է արել դիմակայել ԱՄՆ-ի այդ դավադրությանը:
