Իրանի առաջնորդի խորհրդական.«Իրանի հրթիռային կարողությունը բանակցության ենթակա չէ»
Ռազմական արդյունաբերության հարցերով Իրանի գերագույն գլխավոր հրամանատարի խորհրդականն ասել է.«Իրանի հրթիռային կարողությունը բանակցության ենթակա չէ»:
«Ռոսիա Ալ-Յոմ» լրատվական գործակալությանը տված հարցազրույցում, բրիգադային գեներալ Հոսեյն Դեհղանն ասել է.«Իրանի հրթիռային կարողությունը ազգային վստահության, անկախության ու պատվի հարց է և հնարավոր չէ դրա շուրջ բանակցել»:
Նշելով, որ ԱՄՆ-ը, Իսրայելն ու Սաուդյան Արաբիան տարածաշրջանում մեծ դավադրություն են իրականացնում, գեներալ Դեհղանը հավաստիացրել է, թե այդ երկրներն անկարող են Իրանի հետ ուղղակի պատերազմի մեջ մտնել:
Եմենի մասին Իրանի գերագույն գլխավոր հրամանատարի խորհրդականն ասել է.«Եմենի ժողովուրդն իրավազրկված է, և եթե եմենցիները ցանկանան, Իրանը կօգնի նրանց»:
Սիրիայի Իդլիբ նահանգում տիրող իրավիճակի մասին, գեներալ Դեհղանն ասել է.«Ահաբեկիչներին չպետք է ազատություն տալ: Այլ պետք է ընդդիմանալ ու ոչնչացնել նրանց»:
Իրանի պաշտպանության նախկին նախարարը նշել է, որ Սիրիայի կառավարությունը ԱՄՆ-ից չի խնդրել ռազմական ներկայություն ունենալ այդ երկրում և ԱՄՆ-ը պետք է շուտափույթ դուրս գա Սիրիայից:
