Գազի արտահանումը Ֆինլանդիա դադարեցնելը, Ռուսաստանի գործնական պատասխանն է ՆԱՏՕ-ի ընդլայնմանը
Շաբաթ օրը Ռուսաստանը դադարեցրեց գազի արտահանումը Ֆինլանդիա, և մեկնարկեց արևմտյան բլոկի հետ Մոկսվայի առճակատման նոր փուլը: Պետական «Գազպրոմ» ընկերությունը հայտարարել է, որ դադարեցրել է գազի արտահանումը Ֆինլանդիա, քանզի Հելսինկին մերժել է Մոսկվայի պահանջը՝ գազի դիմաց վճարել ռուբլով այն բանից հետո, երբ արևմտյան երկրները պատժամիջոցներ են կիրառել Ուկրաինայում գործողությունների պատճառով։
Ռուսաստանից Ֆինլանդիա գազի արտահանումը դադարեցվել է այն պայմաններում, երբ այդ երկիրն ու Շվեդիան մի քանի օր առաջ պաշտոնապես դիմել են ՆԱՏՕ-ին անդամակցելու համար։ Ֆինլանդիայի պետական գազ մատակարարող Գազոմը և երկրի գազաբաշխիչ այլ ընկերությունները հայտարարել են, որ պատրաստ են դադարեցնել գազի ներմուծումը: Ի պատասխան Արևմուտքի լայնածավալ պատժամիջոցների ու թշնամական գործողությունների, և ռուբլու արժեքը պահպանելու նպատակով, Մոսկվան մի քանի ամիս առաջ հայտարարեց, որ ռուսական գազի եվրոպացի բաժանորդները պետք է դրա դիմաց վճարեն ռուբլով։ Այս քայլը ռուբլու փոխարժեքը դոլարի և եվրոյի նկատմամբ էլ ավելի բարձրացրեց, հասցնելով նույնիսկ Ուկրայինայի պատերազմից առաջ եղած մակարդակի:
Հաշվի առնելով, որ եվրոպական երկրներին Ռուսաստանի գազի մատակարարման պայմանագրերի մեծ մասը եվրոյով կամ դոլարով են, որոշ երկրներ հրաժարվեցին կատարել Ռուսաստանի պահանջը, թեև մի շարք մեծ երկրներ, ինչպիսիք են՝ Գերմանիան, Իտալիան և Ավստրիան, ընդունեցին այն։ Գազպրոմի հետ պայմանագիր կնքած 54 ընկերություններից կեսը համաձայնել է ագզի դիմաց վճարել ռուբլով։ Անցյալ ամիս, սակայն, Ռուսաստանը դադարեցրեց գազի արտահանումը Բուլղարիա և Լեհաստան, քանի որ այդ երկու երկրները հրաժարվեցին վճարել ռուբլով: Այժմ Ֆինլանդիան ավելացել է Ռուսաստանի գազի պատժամիջոցների ենթակա երկրների ցանկին:
Թեև Ռուսաստանի կողմից Ֆինլանդիա գազի արտահանումը դադարեցնելու ենթադրյալ պատճառը գազի գինը ռուբլով վճարելուց այդ երկրի կառավարության հրաժարվելն է, սակայն Մոսկվայի այս քայլը կարելի է համարել Ռուսաստանի հակազդեցությունը Ֆինլանդիային, տնտեսական և էներգետիկ ոլորտներում ՆԱՏՕ-ին անդամակցելու որոշման համար: Ռուսաստանն արդեն իսկ Հելսինկիի անբարյացակամ գործողության նկատմամբ իր առաջին գործնական քայլով, Ֆինլանդիայի հետ սահմանին տեղակայել է Իսկանդեր հրթիռային համակարգ, որը կարող է միջուկային մարտագլխիկով զինվել:
Ըստ երևույթին,Ֆինլանդիայի և Շվեդիայի, միաժամանակ դիմումը ՆԱՏՕ-ին անդամակցելու համար, ինչը ողջունել են դաշինքի բարձրաստիճան պաշտոնյաներն, այդ թվում՝ ՆԱՏՕ-ի գլխավոր քարտուղար Յենս Շտուտենբերգիը, կհանգեցնի հյուսիսային Եվրոպայի և նույնիսկ հյուսիսի աշխարհաքաղաքական իրավիճակի էական փոփոխության:Սա այն հարցն է, որի մասին բացահայտորեն նշել է Մոսկվան։
Հյուսիսային Եվրոպայի այս երկու երկրների որոշումը՝ չեզոքությունից հրաժարվելու համար, որը պահպանում էին սառը պատերազմի ողջ ընթացքում Եվրոպայի անվտանգության ոլորտում վերջին տասնամյակների ամենամեծ փոփոխություններից է և Եվրոպայում ուժերի հավասարակշռության ու անվտանգության հավասարումներում նոր դարաշրջանի սկիզբը։ Այս որոշումը կարող է Մոսկվայի կողմից լուրջ արձագանքներ առաջացնել, սրել Ռուսաստանի և ՆԱՏՕ-ի միջև լուրջ տարաձայնությունները և մեծացնել միջուկային պատերազմի հավանականությունը: Միևնույն ժամանակ, Մոսկվան գործնականում արձագանքել է Ֆինլանդիայի և Շվեդիայի այս քայլին և ակնկալվում է, որ առաջիկայում այդ քայլերը կընդլայնվեն:
