Իրանը ցանկանում է ներգրավվել Ղարաբաղյան հակամարտության կարգավորման գործընթացում
Իրանի Իսլամական Հանրապետությունը կրկին անգամ պատրաստակամություն է հայտնել՝ ներգրավվելու Ղարաբաղյան հակամարտության կարգավորման գործընթացում:
ԱՊԱ լրատվական գործակալությանը տված հարցազրույցում Ադրբեջանում ԻԻՀ դեսպան՝ Ջավադ Ջահանգիրզադեն ասել է.«Իրանը պատրաստ է օգնություն ցուցաբերել Ղարաբաղյան հակամարտության կարգավորման հարցում: Անդրադառնալով պատերազմի վնասներին, Ջահանգիրզադեն հավելել է.«Մենք ցանկանում ենք, որ տարածաշրջանում խաղաղություն հաստատվի»:
Ղարաբաղյան հիմնախնդրի կարգավորման գործընթացում Իրանի նման երկրների ներգրավվածությունն արդյունավետ կլինի տարածաշրջանի երկրների համար, հատկապես որ Իրանը Կենտրոնական Ասիայի և Կովկասյան տարածաշրջանի երկրների անվտանգությունը համարում է իր անվտանգությունը և ոչ մի ջանք չի խնայում այդ տարածաշրջաններում անվտանգության պահպանման գործում: Իսկ տարածաշրջանից դուրս գտնվող պետությունների, այդ թվում ԱՄՆ-ի համար ոչ մի նշանակություն չունի Ղարաբաղյան հակամարտության կարգավորումը, քանզի Կենտրոնական Ասիայում և Կովկասում տիրող անապահովությունը բխում է այդ երկրի շահերից: 1992 թվականին ստեղծվել է ԵԱՀԿ Մինսկի խումբը ,որը մինչ այսօր չի կարողացել դրական քայլ ձեռնարկել հայ-ադրբեջանական հակամարտության կարգավորման ուղղությամբ:
ԵԱՀԿ Մինսկի խմբի ապարդյուն գործունեությունը բազմիցս արժանացել է Բաքվի բարձրաստիճան պաշտոնյաների, նույնիսկ Ադրբեջանի ոչ-պետական կառույցների քննադատությանը: Ղարաբաղյան հակամարտության երկարաձգումը հանգեցրել է Ադրբեջանում որոշ միլիտարիստական գաղափարների ձևավորմանը: Այդ իսկ պատճառով ապրիլյան բախումների ընթացքում Բաքվի կառավարության կողմնակից ու ընդդիմադիր կուսակցությունները համակարծիք էին Ադրբեջանի գրավյալ հողերն ազատագրելու հարցում:
Անտարակույս այս պայմաններում Ադրբեջանի ու Հայաստանի հարևան անկախ երկրները, մասնավորապես Իրանը, կարող է ակտիվ ու կառուցողական մասնակցություն ունենալ Ղարաբաղյան հակամարտության կարգավորման բանակցությունների գործընթացում, մինչդեռ արևմտյան պետությունները, մասնավորապես ԱՄՆ-ն, գերադասում են ապահովել իրենց քաղաքական ու տնտեսական շահերը , ոչ թե անվտանգություն հաստատել տարածաշրջանում:
ԱՄՆ-ի պաշտոնյաները Հայաստանի ու Ադրբեջանի պաշտոնյաների հետ հանդիպումներում առերևույթ կարևորում են հայ-ադրբեջանական հակամարտության կարգավորումը : Նրանք հայտարարում են թե չպետք է շարունակվի հակամարտությունը , ինչը կարող է հանգեցնել պատերազմի:
Փաստորեն արևմտյան պետությունների ավելի քան երկու տասնամյակ շարունակվող նման դիրքորոշումները նպաստում են հակամարտության շարունակմանը: