Հերթական հակաիրանական զեկույցը
Բրիտանիան ողջունել է ՄԱԿ-ի Գլխավոր Ասամբլեայի երրորդ կոմիտեում Իրանի դեմ մարդու իրավունքների հարցով բանաձևի ընդունումը:
Բրիտանիայի ԱԳ նախարարությունը հրապարակել է հաղորդագրություն, որում ասված է.«Իրանում մարդու իրավունքների վերաբերյալ բանաձևի ընդունումը գոտեպնդում է մեզ»:Այս հաղորդագրությունը Իրանին կոչ է արել օգտագործել ստեղծված առիթը` միջազգային հանրության հետ համագործակցելու և իր քաղաքացիների իրավունքների ու ազատությունների մակարդակը բարձրացնելու համար:
Արևմտյան երկրներն ամեն օր նոր զեկույցներ են հրապարակում ու բանաձևեր ընդունում մարդու իրավունքների վերաբերյալ: Արդյո՞ք դա նշանակում է, որ այդ երկիրներն իրենք հարգում են մարդու իրավունքները:
Արևմտյան երկրները հանդես են գալիս մարդու իրավունքների պաշտպանության ջատագովների դերում ու մտահոգություն են հայտնում աշխարհում մարդու իրավունքների իրավիճակի կապակցությամբ: Նրանք ՄԱԿ-ի մարդու իրավունքների խորհրդում իրենց հեղինակությունից օգտվելով, քաղաքական զեկույցներ են հրապարակում ու դրանք դարձրել են գործիք` իշխող համակարգին դեմ գնացող երկրներին ճնշելու համար: Վերջին տարիներին Իրանի դեմ արևմուտքի կողմից ձեռնարկված քայլերը հիմնված են եղել երեք առանցքների վրա.՝ միջուկային գործունեությունը, ահաբեկչությունը հովանավորելը և մարդու իրավունքների ոտնահարումը: Արևմուտքի այդ քայլերն ուղղված են իրանաֆոբիայի տարածմանը: Վերոնշյալ երեք թեմաները, որպես քաղաքական գործիք, մշտապես չարաշահման են ենթարկվել Բրիտանիայի , ԱՄՆ-ի և Կանադայի նման երկրների կողմից:
Բրիտանիայի ԱԳ նախարարությունն այն դեպքում է հակաիրանական հաղորդագրություն տարածել ,երբ այդ երկիրը համարվում է մարդու իրավունքները խախտող խոշոր երկրներից մեկը: Բրիտանիան մասնավորապես այս օրերին պետք է պատասխան տա Սաուդյան Արաբիային զենք մատակարարելու համար, քանի որ իր այդ քայլով Եմենի անմեղ քաղաքացիներին ամեն օր ուղարկում է դեպի մահվան երախ:
ԱՄՆ-ում, Բրիտանիայում և Կանադայում շարունակվում են քաղաքացիական բողոքի ակցիաները, այդ երկրներում տեղի ունեցող ցավալի դեպքերի և սևամորթների նկատմամբ գործադրվող վայրագությունների դեմ: Արդյոք այս ամենը մտահոգիչ չէ՞: Արևմուտքում Մարդու իրավունքների կեղծ պաշտպաններին միայն իրենց անօրինական շահերն է հետաքրքրում: Լոնդոնում լույս տեսնող «Գարդիան» օրաթերթը մոտ մեկ տարի առաջ առաջին անգամ մի հոդված հրապարակեց «Նոր ստրկատիրության» մասին, որում հոդվածագիրը ցնցող ու ամոթալի է բնութագրել այդ չարաբաստիկ երևութին դիմակայելու գործում ձախողումը: Բրիտանական «Ինդիփենդենթ» թերթը ևս գրել է.«Բրիտանիայում մոտ վեց հազար մարդ ապրում է որպես ստրուկ »:
Իրանում մարդու իրավունքների վիճակը հարցականի տակ դնելու արևմտյան երկրների ջանքերը ,փաստորեն նրանց ռազմավարության մի մասն են կազմում` իրողությունները քողարկելու և իրենց հակամարդկային գործունեության համար պատասխանատվությունից խույս տալու համար:
Արևմտյան երկրները երկստանդարտ քաղաքականություն են վարում այլ երկրների նկատմամբ և աշխարհում մարդու իրավունքների իրավիճակի վերաբերյալ իրենց մտահգությունը հայտնելու համար դիմում են քաղաքականացված զեկույցների: Մարդու իրավունքների պաշտպանների դերում հանդես եկող երկրներին պիտի հարցնել թե արդյոք չպե՞տք է օրինական ու դատական կտրուկ քայլ ձեռնարկել հանցագործների կամ նրանց նկատմամբ, ովքեր փորձում են անապահովության մատնել հասարակությանը: