Վեճ Կատալոնիայի անջատման հարցի շուրջ
Իսպանիայից Կատալոնիայի անջատման հարցի շուրջ կենտրոնական կառավարության և Կատալոնիայի նահանգային կառավարության միջև երկար քաշքշուկից հետո, ի վերջո հոկտեմբերի 1-ին այդ թեմայով հանրաքվե է անցկացվել:
Կատալոնիայի տեղական կառավարության խոսնակ Խորդի Տուրուլը հայտարարել է, որ հանրաքվեի մասնակիցների 90 տոկոսը կողմ են քվեարկել Իսպանիայից Կատալոնիայի անջատմանը:
Որոշ քվեակենտրոններում Իսպանիայի հակախռովարար ուժերը բախվել են քվեարկողների հետ և կանխել են նրանց մուտքը քվեակենտրոններ: Բախումների ժամանակ 844 մարդ վիրավորվել է: Իսպանիայի Սահմանադրական դատարանը անօրինական էր հայտարարել հանրաքվեի անցկացումը: Կիրակի օրը, Իսպանիայի վարչապետ՝ Մարիանո Ռախոյն անջատման հանրաքվեի ավարտից անմիջապես հետո, խաբված է բնութագրել Կատալոնիայի ժողովրդին և նշել է, որ այսօր իրականում անկախության հանրաքվե չի անցկացվել Կատալոնիայում:
Այս բոլորը նկատի առնելով, կարելի է ենթադրել, որ ապագայում ավելի մեծ լարվածություն է տիրելու Իսպանիայի կենտրոնական կառավարության և Կատալոնիայի տեղական կառավարության միջև:
Այդ հարցով կարելի է երկու սցենարներ պատկերացնել: Առաջին սցենարը Կատալոնիայի տեղական կառավարության կողմից անկախության հռչակումը: Այդ դեպքում, Մադրիդի կենտրոնական կառավարությունը դրա իրագործումը կանխելու համար այդ նահանգում ամրապնդելու է իր ռազմական ներկայությունը և լուծարելու է տեղական կառավարությունն ու հավանաբար Կատալոնիայի խորհրդարանը: Այդ դեպքում հավանաբար ֆիզիկակակն բախումներ և ժողովրդական ընդվզումներ են տեղի ունենալու Կատալոնիայում:
Իսպանիայից Կատալոնիայի անջատումը հանդուրժելի չէ կենտրոնական կառավարության համար և կարելի է կանխատեսել, որ Իսպանիայի կառավարությունը ցանկացած քայլի դիմելու է դրա իրագործումը կանխելու համար:
7.5 միլիոն բնակչությամբ, Իսպանիայի հյուսիս-արևելյան հատվածում գտնվող Կատալոնիան այդ երկրի ամենահարուստ շրջաններից է և այդ տարածքին է պատկանում Իսպանիայի տնտեսական արտադրանքի մեկ հինգերորդը: Ուստի բնականաբար Իսպանիայից այդ տարածքի անջատվելը ծանր հարված է լինելու այդ երկրի ազգային հզորության համար: Կատալոնիայի անջատվելը կարող է սկիզբ հանդիսանալ Իսպանիայի մյուս շրջաններում, հատկապես Բասկում և Վալենսիայում անջատողական գործընթաց սկսելու համար: Իսպանիայի Սահմանադրության համաձայն անընդունելի է մասնատել այդ երկիրը:
Մյուս սցենարն այն է, որ Մադրիդի կառավարությունը հաշտվողական դիրքորոշում ցուցաբերի և մի շարք առավելություններ շնորհի Կատալոնիային, այն հույսով, որ այդ տարածքը կհրաժարվի անջատման մտքից:
Համենայնդեպս, Կատալոնիայի տեղական կառավարությունը, տարբեր, այդ թվում հասարակական, մշակութային և ամենակարևորը տնտեսական պատճառներով ցանկանում է անջատվել Իսպանիայից:
Փաստերը վկայում են այն մասին, որ Կատալոնիայի տեղական կառավարությունը համոզված է, որ այդ տարածքի ժողովրդի 90 տոկոսը կողմ է Իսպանիայից անջատմանը և այդ պատճառով ավելի վճռակամորեն է հետևելու այդ հարցին:
