Մեկ նահատակ, 38 վիրավոր՝ «Վերադարձի իրավունք» երթի ընթացքում
Պաղեստինի առողջապահության նախարարությունը հայտարարել է, որ Գազայի հարավում ու Արևմտյան ափին «վերադարձի իրավունք» երթի 38-րդ ուրբաթ օրվա ընթացքում, սիոնիստները սպանել են մեկ և վիրավորվել 46 պաղեստինցիների:
ԻՌՆԱ-ն ուրբաթ գիշեր հղում կատարելով «Մաա» պաղեստինյան լրատվական գործակալությանը, հաղորդել է, որ ուրբաթ երեկոյան, պաղեստինցիները, «Դիմադրությունը մեր օրինական իրավունքն է» անվան ներքո «Վերադարձի իրավունք» երթի 38-րդ ուրբաթ օրվա միջոցառմանը մասնակցելու նպատակով և պահանջելով շրջափակման բեկանումը, շարժվել են Գազայի արևելքում գտնվող «Ալ-Աուդա» գաղթակայանի ուղղությամբ:
Համաձայն այս հաղորդման, ուրբաթ օրվա վիրավորների մեջ է նաև «Ալ-Ալամ» հեռուստակայանի թղթակիցը:
«Վերադարձի իրավունք» երթը սկսվեց անցած մարտի 30-ին՝ Հողի օրվա կապակցությամբ, Գազայի հատվածում և դեռ շարունակվում է:
«Վերադարձի իրավունք» խաղաղ երթի սկզբից իսրայելցի զորայինների հրաձգության հետևանքով նահատակվել են ավելի քան 240 և վիրավորվել ավելի քան 25 հազար պաղեստինցիներ:
Իսրայելի ռեժիմը, բռնազավթելով պաղեստինցիների տարածքներն ու այդտեղ քաղաքավաններ կառուցելով, նպատակ ունի փոխելով պաղեստինյան տարածքների աշխարհագրական պատկերը դրանց սիոնիստական երանգ հաղորդել ու այդպիսով ամրագրել պաղեստինյան տարածքներում իր տիրակալությունը:
