Արաբ անվանի լրագրող.«Լեհաստանում ԱՄՆ-ի հակաիրանական կոնֆերանսը նախապես ձախողած է»
«Ռայ Ալ-Յոմ» օրաթերթի գլխավոր խմբագիր, արաբ աշխարհի անվանի գրող Աբդոլբարի Աթվանն ասել է.«Լեհաստանում ԱՄՆ-ի հակաիրանական կոնֆերանսը ձախողման է դատապարտված»:
«Ռայ Ալ-Յոմ» օրաթերթի խմբագրի սյունակում, անդրադառնալով այն փաստին, որ ԱՄՆ-ը պարտավորվել է իր բանակայիններին դուրս բերել Սիրիայից, Աթվանը գրել է.«ԱՄՆ-ի պետքարտուղարի տարածաշրջան այցելության ձեռքբերումը արաբ շեյխերի գանձարանների ավելի շատ թալանելն է եղել: Սիրիայի դեմ ԱՄՆ-ի ձևավորած մեծ կոալիցիան, տարիների ընթացքում չիրագործեց իր նպատակներից և ոչ մեկը»:
Գրության մեջ ասված է.«Մենք քաջ գիտենք, որ Թել Ավիվը ամենաշատն է տուժելու Սիրիայում իրավիճակի բարելավումից»:
Արաբ գրողը նշել է, որ չնայած վերջին տարիների ընթացքում Իսրայելն ավելի քան 220 անգամ հարձակվել է Սիրիայի դեմ, սակայն չի կարողացել ազդել Իրանի և Հեզբոլլահի հզոր ներկայության վրա:
Աթվանը Պոմպեոյի տարածաշրջան այցելությունը Իրանի դեմ պատերազմի հայտարարում, Իսրայելի նկատմամբ պաշտպանություն և սուննի-արաբական ՆԱՏՕ-ի դաշինքի ձևակերպում է բնութագրել:
Սիրիայից ԱՄՆ-ի նահանջը տարածաշրջանում ամերիկյան նախագծի ձախողման իմաստով բնութագրելով, Աթվանը գրել է.«ԱՄՆ-ը շուտով նահանջելու է նաև Աֆղանստանից ու Իրաքից և Պոմպեոյի Բաղդադ կատարած անակնկալ այցից հետո, Իրաքի առաջնորդները հստակորեն հայտարարեցին, որ դեմ են իրենց երկրի ռազմաբազաներն օգտագործել Իրանի ու Սիրիայի դեմ հարձակման համար»:
