ՀԱՄԱՍ.«Սիոնիստական ռեժիմը խախտում է երկրների տարածքային ամբողջականությունը»
ՀԱՄԱՍ-ը հայտարարել է, որ Սիոնիստական ռեժիմը խախտում է երկրների ազգային ինքնիշխանությունն ու տարածքային ամբողջականությունը:
Անատոլու լրատվական գործակալության հաղորդման համաձայն, հակադարձելով Յոսի Քոհենի հայտարարությանը, ՀԱՄԱՍ շարժման խոսնակ Հազեմ Ղասեմն ասել է.«Դիմադրության ակտիվիստներին ահաբեկելու վերաբերյալ ՄՈՍԱԴ-ի տնօրենի խոստովանությունը վկայում է այն մասին, որ Իսրայելը խախտում է միջազգային իրավունքն ու կանոնները»:
Նշելով, որ դիմադրությունը Պաղեստինի ժողովրդի օրինական իրավունքն է, ՀԱՄԱՍ-ի խոսնակն ասել է.«Պաղեստինում և Պաղեստինից դուրս զավթիչների ոճրագործությունները չեն վերանա ժամանակի ընթացքում: Պաղեստինի դիմադրությունը երբեք չի դադարելու և պաղեստինցիներն ազատագրելու են իրենց տարածքներն ու սրբավայրերը»:
Վերջերս մի օրաթերթի տված հարցազրույցում, Յոսի Քոհենը հայտարարել է, որ ՄՈՍԱԴ-ի գործակալները աշխարհի տարբեր շրջաններում ահաբեկել են ՀԱՄԱՍ շարժման գործադիր անդամներին:
Քոհենը չի քողազերծել ՄՈՍԱԴ-ի կողմից ահաբեկված ՀԱՄԱՍ-ի պաշտոնատարների անունները:
