Թուրքիան խոստացել է Ասադից վրեժ լուծել Իդլիբում զոհված զինվորականների համար
Թուրքիան խոստացել է վրեժ լուծել Սիրիայի նախագահ Բաշար Ասադից՝ Իդլիբում 33 զինվորի մահվան համար: Այս մասին հայտարարել է Թուրքիայի փոխնախագահ Ֆուաթ Օկթայը, նար խոսքերը մեջբերել է Անադոլու Աջանսի գործակալությունը:
Օկթայը խոստացել է, որ Ասադը մեծ գին կվճարի թուրքական զորքերի վրա հարձակման համար: Նա Սիրիայի նախագահին անվանել է ահաբեկչական պետության ղեկավար և հայտարարել, որ պատմության մեջ նա կմնա որպես պատերազմական հանցագործ:
Ավելի վաղ ՝ փետրվարի 28-ին, ԱՄՆ Պետդեպարտամենտը հայտարարել էր Սիրիայի հակամարտության հարցում Թուրքիային աջակցելու մասին և կոչ էր արել անհապաղ դադարեցնել Սիրիայի նախագահ Բաշար ալ-Ասադի վարչակարգի՝ Ռուսաստանի և Իրանի աջակցությամբ հարձակումները:
Փետրուարի 28-ի գիշերը թուրքական բանակը գրոհել է Իդլիբում սիրիական բանակի դիրքերը: Հարձակումը պատասխան էր Ջեբել ալ-Զավիայի շրջանում թուրքական զորքերի գնդակոծման համար, որն, ըստ որոշ տեղեկությունների, Սիրիան իրականացրել է Ռուսաստանի աջակցությամբ:
Պայթյունի արդյունքում զոհվել է 33 զինծառայող:
Հունվար-փետրվարին տեղի ունեցած հարձակմումներից հետո սիրիական բանակը գրավել է Իդլիբի գրեթե կեսը և թողել թուրքական դիտակետերը: Սա վրդովեցրել է Անկարային, և Էրդողանը ասել է, որ եթե մինչև փետրվարի վերջ սիրիական զորքերը չհեռացվեն դիրքերի գծից, ապա թուրքական բանակը ռազմական գործողություններ կսկսի:
1in.am
