Սիրիայի ԱԳՆ. Ահաբեկչությունը հովանավորելը Թուրքիայի և Արևմուտքի անփոփոխ քաղաքականությունն է
Սիրիայի արտգործնախարարությունը, քննադատելով ահաբեկիչներին հովանավորելու Թուրքիայի և Արևմուտքի քաղաքականությունը, հայտարարել է. «Դամասկոսն արևմտյան երկրներին և նրանց դաշնակիցներին թույլ չի տա ահաբեկիչների մշտական ներկայությունը պարտադրել Սիրիայի ժողովրդին»:
Վերջին օրերին թուրքական բանակը, աջակցելով Իդլիբ նահանգում գտնվող ահաբեկիչներին, բազմիցս թիրախավորել է Սիրիայի բանակի դիրքերն ու ենթակառուցվածքները:
Սիրիայի Սանա պաշտոնական լրատվական գործակալության հաղորդման համաձայն, նախարարությունն ի պատասխան Անկարայի պաշտոնյաների հայտարարությունների, նշել է. «Թուրքիայի ու արևմտյան մի շարք երկրների կողմից Սիրիայի դեմ ուղղված քարոզչությունը վկայում է, որ նրանք աջակցում են ահաբեկչական խմբավորումներին»:
Սիրիայի արտգործնախարարությունը հայտարարել է, որ բանակը շարունակելու է ահաբեկիչների դեմ պայքարը, երկրի ամբողջ տարածքում:
