Բաղդադն ընդգծում է ԱՄՆ-ի զորքերը Իրաքից դուրս բերելու անհրաժեշտությունը
Իրաքի վարչապետի խորհրդականը հայտարարել է, որ այդ երկրում ամերիկյան զորքերի ներկայության կարիքը չկա:
Հինգշաբթի օրը Բաղդադում հրատարկվող Ալ-Սաբահ օրաթերթին տված հարցազրույցում Իրաքի վարչապետի առաջին խորհրդական Հիշամ Դավուդը հավելել է, որ իրաքյան անվտանգության ու ռազմական ուժերը ունեն բավարար հնարավորություններ և ուժ՝ ահաբեկչական խմբավորումների և ներքին մարտահրավերների դեմ պայքարելու համար:
Անդրադառնալով Իրաքի և ԱՄՆ-ի պաշտոնյաների առաջիկա հանդիպմանը, Հիշամ Դավուդը հավելել է, որ Բաղդադի կառավարությունը կարծում է, որ եկել է ժամանակը, որ ամերիկյան զորքերը լքեն Իրաքը:
Ավելի վաղ Իրաքի աղբյուրները հայտնել էին, որ ԱՄՆ-ի և Իրաքի պաշտոնյաների միջև ռազմավարական երկխոսություն կանցկացվի այսօր տեսաֆիլմի միջոցով:
2020 թվականի հունվարի 5-ին Իրաքի պառլամենտը նախկին վարչապետ Ադել Աբդուլ-Մահդին մասնակցությամբ քվեարկել է արտասահմանյան զորքերը երկրից վտարելու նախագծի օգտին:
Հունվարի 25-ին իրաքցիները ցույց անցկացնելով պահանջել են ամերիկյան զորքերի դուրսբերումը երկրից:
