Սիոնիստական ռեժիմը զայրացած է ՄԱԿ-ի Մարդու իրավունքների խորհրդի քվեարկությունից
Սիոնսիտական ռեժիմին զայրացրել է ՄԱԿ-ի Մարդու իրավունքների խորհրդում՝ Պաղեստինի Դիմադրության խմբերի հետ վերջին հակամարտության ընթացքում ռեժիմի հանցագործությունների վերաբերյալ միջազգային հետաքննություն սկսելու վերաբերյալ առաջարկի ընդունումը:
Ուրբաթ օրն «Իսրայելի ազգային նորություններ» լրատվական կայքի հաղորդման համաձայն, ընդդիմանալով այդ քայլին՝ ՄԱԿ-ում Սիոնիստական ռեժիմի ներկայացուցիչ Գիլադ Արդանը Մարդու իրավունքների խորհուրդն անվանել է «հակասեմական կազմակերպություն» և հայտարարել, որ միակողմանի, հակասեմական բանաձևի արդյունքները նախապես որոշված էին և դրա միջոցով փորձ է արվում օրինականացնել ՀԱՄԱՍ շարժումը:
Առանձին հայտարարության մեջ Իսրայելի արտաքին գործերի նախարարությունը հայտարարել է, որ Մարդու իրավունքների խորհրդի մեծամասնությունը հակասեմականներ են և ռեժիմը չի համագործակցելու կազմակերպության հետաքննող խմբի հետ:
Իսրայելի վարչապետ Բենյամին Նեթանյահուն նույնպես որոշումը որակել է ամոթալի և բացահայտ հակաիսրայելական:
ՄԱԿ-ի Մարդու իրավունքների խորհուրդը հինգշաբթի օրը կողմ քվեարկեց Պաղեստինի Դիմադրության խմբերի հետ վերջին հակամարտության ընթացքում ռեժիմի հանցագործությունների վերաբերյալ միջազգային հետաքննություն սկսելու վերաբերյալ առաջարկին:
Մայիսի 10-ին Սիոնիստական ռեժիմը պատերազմ սկսեց Հորդանան գետի Արևմտյան ափի և Գազայի հատվածի բնակիչների դեմ: 12 օրվա ընթացքում մեծ թվով պաղեստինցիներ նահատակվեցին և վիրավորվեցին ռեժիմի դաժան հարձակումների պատճառով, և մեծ վնասներ հասցվեցին տներին ու ենթակառուցվածքներին:
