Ռուսաստան. Սիրիայի հակաօդային պաշտպանությունը խոցել է իսրայելական երկու հրթիռ
Սիրիացի զինվորականներից մեկը հայտնել է, որ Դամասկոսի մատույցներում իսրայելական կործանիչների հարձակման ժամանակ սիրիական հակաօդային պաշտպանությունը խոցել է երկու հրթիռ:
Ըստ «Ֆարս» լրատվական գործակալության հաղորդման՝ Սիրիայում Ռուսաստանի հաշտեցման կենտրոնի ղեկավարի տեղակալ Վադիմ Կոլիտը շաբաթ օրը հայտարարել է, որ Սիրիայի հակաօդային պաշտպանության ուժերը ռուսական Buk-M2E համակարգերով որսացել և խոցել են իսրայելական կործանիչների կողմից Սիրիայի տարածքում գտնվող թիրախների վրա արձակված երկու հրթիռ։
Կոլիտը հավելել է, որ սիոնիստական կործանիչները հարձակումն իրականացրել են Սիրիայի մայրաքաղաքում գտնվող թիրախների դեմ։
Շաբաթ օրը կեսօրին սիրիական «Ալ-Ախբարիա» ցանցը նույնպես հայտնել է, որ երկրի հակաօդային պաշտպանությունը Դամասկոսի մատույցներում հայտնաբերել է թշնամական թիրախներ:
Սիոնիստական կործանիչները պարբերաբար հրթիռային հարվածներ են հասցնում Սիրիայի արևելյան և հյուսիս-արևմտյան շրջանների դեմ, օգտագործելով Լիբանանի օդային տարածքը կամ գրավյալ Գոլանի բարձունքները։
