Իրաք. Եվրոպան պետք է հետ ընդունի իր դաստիարակած 10 հազար ահաբեկիչներին
Իրաքի ազգային անվտանգության հարցերով խորհրդականը եվրոպական երկրներին կոչ է արել հետ վերադարձնել իրենց ավելի քան 10 հազար ահաբեկիչ քաղաքացիներին, որոնք պահվում են Հասաքայի բանտում։
Չորեքշաբթի օրը ունեցած ելույթում, Իրաքի ազգային անվտանգության հարցերով խորհրդական Ղասեմ Ալ-Արաջին Սիրիայի Հասաքայի բանտում եվրոպացի ահաբեկիչների ներկայությունը լուրջ սպառնալիք է համարել Իրաքի համար:
Ալ-Արաջին նաև նշել է, որ Բաղդադը շարունակում է եվրոպական երկրների դեսպաններին կոչ անել իրենց քաղաքացիներին, ովքեր գտնվում են «Ղասդ» ուժերի մոտ կալանքի տակ, դատական պատասխանատվության ենթարկել իրենց երկրներում՝ բարոյական և իրավական պարտականություններին համապատասխան:
Ըստ սիրիական ԶԼՄ-ների, ամերիկյան զինվորականները Ալ-Հասաքայի բանտերում պահվող ԻԼԻՊ-ի մի շարք ահաբեկիչների օգնել են դիմել փախուստի:
