Շարունակվում են Գազայի հատվածում Սիոնիստական ռեժիմի հանցագործությունները
Սահաբ- Ուրբաթ օրը Գազայի կենտրոնի վրա Սիոնիստական ռեժիմի հարձակման ժամանակ ութ պաղեստինցի է զոհվել։
Ինչպես հաղորդում է Al-Mayadeen ցանցը, ուրբաթ օրը Սիոնիստական ռեժիմի կործանիչները ռմբակոծել են Նուսիրաթ ճամբարի արևմուտքում «Թափե Ալ-Նավիրի» տարածքում գտնվող բնակելի տունը։
Այս հարձակման հետեւանքով մինչ այժմ մի քանի պաղեստինցիներ զոհվել են, որոնցից ութի մարմիններ հանվել են փլատակների տակից։
Ըստ այս հաղորդման՝ Սիոնիստական ռեժիմի այս ագրեսիայի հետևանքով նահատակներին ու վիրավորներին փլատակների տակից հանելու ջանքերը շարունակվում են։
Այսօր վաղ առավոտյան Սիոնիստական ռեժիմը ռմբակոծել է Գազա քաղաքի արեւելքում «Ալ-Դարջ» թաղամասում գտնվող բնակելի տունը։
Այս հարձակման հետևանքով էլ վեց պաղեստինցի է զոհվել, ևս մի քանիսը վիրավորվել։
Պաղեստինի առողջապահության նախարարության կողմից հայտարարված վերջին վիճակագրության համաձայն՝ 2023 թվականի հոկտեմբերի 7-ից ի վեր Գազայի հատվածում զոհվել է ավելի քան 41 հազար պաղեստինցի քաղաքացի և վիրավորվել ավելի քան 95 հազարը։
Գազայի հատվածի դեմ Սիոնիստական ռեժիմի բանակի հանցավոր պատերազմի սկզբից անցել է արդեն տասներկու ամիս, մինչդեռ Սիոնիստական ռեժիմը և ՀԱՄԱՍ շարժումը Կատարի ու Եգիպտոսի միջնորդությամբ և ԱՄՆ-ի ներկայությամբ սկսել են անուղղակի ու վայրիվերումներով լի բանակցություններ՝ համաձայնության հասնելու համար, սակայն մինչ այժմ Թել Ավիվի սաբոտաժի պատճառով որևէ արդյունք չի գրանցվել։