Ոգևորություն, ուրախություն և հպարտություն տարածաշրջանի երկրներում. Իրանի ռազմական գործողության արդյունքը

Իրանի Իսլամական Հանրապետության հրթիռային և օրինական պատասխանը Սիոնիստական ​​ռեժիմի հանցագործություններին ոգևորություն, ուրախություն և հպարտություն առաջացրեց տարբեր երկրների բնակիչների մոտ։

Իրանի Իսլամական Հանրապետությունը իր ինքնիշխանության խախտման նկատմամբ որոշակի ժամանակ զսպվածությունից հետո տասնյակ բալիստիկ հրթիռներով թիրախավորեց Սիոնիստական ​​ռեժիմի ռազմական հենակետերը՝ ՄԱԿ-ի կանոնադրության համաձայն իր երկրի օրինական ինքնապաշտպանության իրավունքին համապատասխան և իրավազրկվածներին աջակցելու համար:

Ըստ Parstoday-ի՝ Իրանի այս օրինական գործողությունից հետո աշխարհի շատ երկրներում ազատատենչ մարդիկ սկսել են ցնծալ։

Լիբանանցիներն այս երկրի տարբեր քաղաքներում ցնծում էին փողոցներում՝ Սիոնիստական ​​ռեժիմի ռազմական հենակետերի դեմ Իրանի հրթիռային լայնածավալ հարձակումներից հետո:

Ըստ որոշ լրատվամիջոցների՝ երեքշաբթի երեկոյան երկիր մոլորակի ամենաերջանիկ ժողովուրդն էր Պաղեստինի ժողովուրդը Գազայում, Խան Յունիսում ու Ջենինում։ Տեսնելով իրենց երկրի երկնքից իրանական հրթիռների անցումը, նրանք սկսեցին երախտագիտություն հայտնել Աստծուն և աղոթել Իսլամական Հեղափոխության պահապանների կորպուսի մարտիկների համար։

Այդ ընթացքում հրապարակվեցին պաղեստինցի երեխաների բազմաթիվ կադրեր, ովքեր ուրախանում էին փողոցում։

Թուրքիայի հեռուստածրագրում Սիոնիստական ​​ռեժիմի ռազմական հենակետերի վրա Իրանի հրթիռային հարձակման մասին հայտարարելուց  հետո հաղորդավարն ու փորձագետն աննկարագրելի ուրախությամբ քաղցրավենիք բաժանեցին։

Սիոնիստական ​​ռեժիմի ռազմական ու անվտանգային օբյեկտների ու թիրախների դեմ Իրանի Իսլամական Հանրապետության զինված ուժերի հրթիռային հարվածներից հետո Իրաքի Քարբալայի ու Բաղդադի բնակիչները փողոցներում նույնպես տոնախմբություն են կազմակերպել:

Իսկ Սիրիայի մայրաքաղաք Դամասկոսի ժողովուրդը ցնծում էր այս քաղաքի փողոցներում և իր աջակցությունն էր հայտնում Իրանի գործողությանը։

Համացանցում հրապարակված կադրերում Հորդանանի բնակիչները ուրախացել են Սիոնիստական ​​ռեժիմին Իրանի պատասխանից և սկսել են պարել ու ցնծալ։

Պակիստանի ժողովուրդը, ինչպես աշխարհի մյուս ազատատենչ մարդիկ, փողոցներում իր ուրախությունն է արտահայտել Սիոնիստական ​​ռեժիմի ռազմական հենակետերի վրա Իրանի հրթիռային հարձակման կապակցությամբ։

Սիոնիստական ​​ռեժիմի ագրեսիային Իրանի հրթիռային պատասխանից հետո Եմենի ժողովուրդը տարբեր քաղաքներում, այդ թվում՝ երկրի մայրաքաղաք Սանայում, դուրս է եկել փողոցներ ու ուրախացել։

Այս գործողության իրականացմամբ, Բոսնիա և Հերցեգովինայի ժողովրդից մի խումբ մարդիկ Սարաևոյում, կրելով իրենց երկրի և Պաղեստինի դրոշները, գնահատել են Իրանի Իսլամական Հանրապետության այս քայլը և աջակցություն հայտնել դրան։