Մինչ այժմ քանի՞ լիբանանցի է սպանել Իսրայելը
Լիբանանի առողջապահության նախարարությունը հայտնել է այս երկրի վրա Սիոնիստական ռեժիմի հարձակումներում ավելի քան երկու հազար լիբանանցու նահատակության մասին։
Իսրայելական բանակն այս տարվա սեպտեմբերի 23-ից սկսել է Լիբանանի վրա հարձակումների նոր փուլը, որը դեռ շարունակվում է։ Ըստ ParsToday-ի, Լիբանանի Առողջապահության նախարարությունը հայտարարություն է տարածել, որ Լիբանանի վրա սիոնիստների զանգվածային հարձակման մեկնարկից հետո զոհվել է 2 հազար 23 խաղաղ բնակիչ, որոնցից 127-ը երեխաներ են, 261-ը՝ կանայք։ Այս ընթացքում վիրավորվել է նաեւ 9526 մարդ։
Այժմ Լիբանանում ավելի քան մեկ միլիոն 200 հազար խաղաղ բնակիչներ տեղահանվել են սիոնիստական ռեժիմի լայնածավալ հարձակումների պատճառով, որոնք կարիք ունեն ապաստարանի և տարրական հարմարությունների, այդ թվում խմելու ջրի, սննդի, հագուստի և առողջապահական ծառայությունների:
Վերջին հանցագործության ժամանակ Սիոնիստական ռեժիմի կործանիչները շաբաթ օրը վաղ առավոտյան ռմբակոծել են Լիբանանի հարավում գտնվող «Նահատակ Սալահ Ղանդուրի» անվան հիվանդանոցը, որի հետևանքով վիրավորվել են ինը բուժաշխատողներ, որոնցից շատերը գտնվում են ծայրահեղ ծանր վիճակում:
Միևնույն ժամանակ, ՄԱԿ-ում Լիբանանի մշտական ներկայացուցիչը բողոք է ներկայացրել ՄԱԿ-ի գլխավոր քարտուղար Անտոնիո Գուտերեշին և Անվտանգության խորհրդին Սիոնիստական ռեժիմի դեմ՝ Լիբանանի վրա հարձակվելու և ՄԱԿ-ի բանաձևերը խախտելու համար։ Այս հայցադիմումի մեջ ասվում է, որ Իսրայելը ռազմական ուժեր, տանկեր և զրահատեխնիկա է տեղակայում Լիբանանի հարավային սահմանի երկայնքով և թիրախավորում է քաղաքացիական անձանց, փրկարարներին և լրագրողներին։