Իրաքի դիմադրությունը հարձակվել է գրավյալ տարածքներում 3 կենսական նշանակության օբյեկտների վրա
Սահաբ- Իրաքի իսլամական դիմադրությունը հայտնել է գրավյալ տարածքների հյուսիսում երեք կենսական օբյեկտների թիրախավորման մասին:
ԻՌՆԱ-ի հաղորդման համաձայն, Իրաքի իսլամական դիմադրությունը հայտարարություն է տարածել. «Իրաքի իսլամական դիմադրությունը՝ շարունակելով օկուպացիայի դեմ դիմադրության մոտեցումն ու ջանքերը՝ ի պաշտպանություն Պաղեստինի և Լիբանանի ժողովրդի և ի պատասխան խաղաղ բնակիչների, այդ թվում՝ երեխաների , կանանց և տարեցների կոտորածին, շաբաթ առավոտյան (հոկտեմբերի 5-ին) անօդաչու թռչող սարքերի միջոցով հարձակվել են գրավյալ տարածքների հյուսիսում գտնվող երեք կենսական թիրախների վրա»։
Այս հայտարարության մեջ Իրաքի իսլամական դիմադրությունն ընդգծել է Սիոնիստական ռեժիմի դիրքերի վրա հարձակման շարունակությունն ու ընդլայնումը։
Անցած շաբաթվա և ամիսների ընթացքում Իրաքի իսլամական դիմադրությունը թիրախավորել է զգայուն և կարևոր օբյեկտներ Էյլաթում, որը գտնվում է օկուպացված Պաղեստինի հարավում:
Իրաքի իսլամական դիմադրության՝ ԱԹՍ-ներով ամենակարևոր հարձակման ժամանակ, որն իրականացվել է ուրբաթ օրը՝ հոկտեմբերի 4-ին գրավյալ Գոլանի բարձունքներում գտնվող Սիոնիստական ռեժիմի ռազմաբազայի ուղղությամբ, այս ռեժիմի 25 զինվորական է սպանվել կամ վիրավորվել։
Նշենք, որ Իրաքի իսլամական դիմադրությունը նախապես զգուշացրել էր, որ եթե Սիոնիստական ռեժիմը շարունակի հարձակումները Գազայի հատվածի վրա, ապա կուժեղացնի իր գործողությունները օկուպացված տարածքներում այս ռեժիմի դիրքերի դեմ։