Եմենի ԱԳՆ․ շրջափակման ժամանակներն անցել են և որևէ ագրեսիա չենք հանդուրժելու

Եմենի արտաքին գործերի նախարարությունը կոշտ հայտարարությամբ նախազգուշացրել է Սաուդյան Արաբիային, որ երկրի շրջափակումը վերականգնելու կամ կենսական նշանակության ենթակառուցվածքներն ու օբյեկտները թիրախավորելու ցանկացած փորձ կստանա վճռական պատասխան։

Նախարարությունն ընդգծել է, որ տարածաշրջանի քաղաքական և ռազմական հավասարումները փոխվել են, և լարվածություն հրահրող ցանկացած քայլի հետևանքների ամբողջ պատասխանատվությունը կրելու է Էր Ռիադը։

Pars Today-ի հաղորդմամբ՝ հղում անելով Tasnim-ին, Եմենի ԱԳՆ-ն հայտարարել է, որ երկրի դեմ տարիներ շարունակ իրականացված շրջափակման շրջանն ավարտվել է, և տնտեսական ու աշխարհագրական ճնշման քաղաքականությունն այլևս արդյունավետ չէ։ Հայտարարության մեջ նաև զգուշացվում է Սանաայի միջազգային օդանավակայանի թռիչքները սահմանափակելու կամ շրջափակումը խստացնելու ցանկացած փորձի կապակցությամբ՝ շեշտելով, որ Սաուդյան Արաբիայի կամ նրա դաշնակից ուժերի ցանկացած գործողություն կարժանանա համարժեք պատասխանին, իսկ դրա ամբողջ պատասխանատվությունը կրելու է Ռիադը։