Սիրիայում ԻԼԻՊ-ին պատկանող զենք ու զինամթերք են հայտնաբերել
Սիրիայի բանակային ուժերը երկրի արևմուտքում հայտնաբերել ու առգրավել են ԻԼԻՊ-ի ահաբեկիչների համար զենք ու զինամթերք փոխադրող մի բեռնատար մեքենա,որը պատկանում է Թուրքիային:
Ինչպես հաղորդում է ՍԱՆԱ լրատվական գործակալությունը, Սիրիայի բանակային ուժերը ուրբաթ օրը Թուրքիային պատկանող բեռնատար մեքենան առգրավել են Հեմա նահանգի հյուսիսային հատվածում:
Սիրիայի բանակը մինչ այժմ Հեմա և Իդլիբ նահանգներում շատ բեռնատար մեքենաներ է առգրավել ,որոնք Թուրքիայից ժամանել էին ԻԼԻՊ-ի և «Ալ- Նուսրա ճակատ» խմբավորումների հսկողության տակ գտնվող տարածքներ` նրանց զենքեր մատակարարելու համար:
Դա այն դեպքում երբ Սիրիայի բանակը վերջերս ազատագրել է Հալեպ նահանգի կարևոր տարածքներ, այդ թվում Ջերահ ռազմական օդանավակայանը և «Խաֆսա» ջրամատակարարման ընկերությունը: Այս տարածքները մաքրագործվել են ԻԼԻՊ-ի ահաբեկիչներից:
Սիրիայի բանակային ուժերին դաշնակից ուժերի համագործակցությամբ հաջողվել է ջրամատակարարման կենտրոնը դուրս բերել ԻԼԻՊ-ի վերահսկողությունից:
