Human Rights Watch- ը քննադատել է Սաուդյան ռեժիմին
Human Rights Watch միջազգային իրավապաշտպան կազմակերպության գործադիր տնօրեն Քենեթ Ռոթը twitter-ի իր էջում անդրադառնալով սաուդցի բլոգեր Ռաիֆ Բադավիի ազատազրկման հինգերորդ տարվան, գրել է.«Բադավին Սաուդյան Արաբիայում իշխանություններին քննադատելու մեղադրանքով գտնվում է բանտում»:
ԻՌՆԱ լրատվական գործակալության հաղորդման համաձայն՝ Human Rights Watch կազմակերպության գործադիր տնօրեն Քենեթ Ռոթը քննադատել է Սաուդյան Արաբիայի իշխանությունների քաղաքական մոտեցումները, ընդգծելով այդ երկրում բանտարկյալների ազատ արձակման անհրաժեշտությունը:
Amnesty International միջազգային իրավապաշտպան կազմակերպությունը ևս Ռաիֆ Բադավիի ազատազրկման հնգամյակի կապակցությամբ twitter սոցցանցում ընդգծելով Սաուդյան Արաբիայում բանտարկյալների ազատ արձակման անհրաժեշտությունը , գրել է.«Բլոգերությունը հանցագործություն չէ»:
Սաուդցի ակտիվիստ և բլոգեր Ռաիֆ Բադավին դատապարտվել է հինգ տարվա ազատազրկման՝ կրոնական ու քաղաքական տեսակետներ առաջ քաշելու մեղադրանքով:
«Amnesty International» կազմակերպությունը իր զեկույցում Արաբիայում մարդու իրավունքների իրավիճակը «արյունալի բռնաճնշում» է բնութագրել: