Թուրքիան 80 միավոր զինտեխնիկա է մոտեցրել Սիրիայի հետ սահմանին
Սեպտեմբեր 18, 2017 05:26 Asia/Tehran
Թուրքիան շարունակում է զինտեխնիկա տեղակայել Սիրիայի հետ սահմանին: Այս մասին հայտնում է РИА Новости-ն՝ վկայակոչելով թուրքական աղբյուրը:
Հաղորդվում է, որ երկաթգծով Հաթայ նահանգ է տեղափոխվել շուրջ 80 զրահապատ ռազմատրանսպորտային միջոց: Զինտեխնիկան բերվել է հյուսիսարևմտյան Քըրքլարելի նահանգի Լյուլեբուրգազ քաղաքի կողմերից:
Հուլիսին Թուրքիայի պաշտպանության նախարար Ֆիքրի Յըշըքը հայտարարել էր, որ Անկարան չի բացառում սիրիական Աֆրինում ռազմական գործողությունների իրականացումը՝ քրդերի վերահսկողության տակ գտնվող այդ շրջանից Թուրքիայի ազգային անվտանգության հանդեպ սպառնալիքի առկայության դեպքում:
Թուրքիայի նախագահ Ռեջեփ Թայիփ Էրդողանն ավելի վաղ հայտնել էր, որ Թուրքիան թույլ չի տա քրդական պետության ստեղծումը Սիրիայի հյուսիսում:
Tert.am
Պիտակ
