Ամբողջ աշխարհն Է դեմ Ղոդսի (Երուսաղեմ) վերաբերյալ Թրամփի որոշմանը. Աբաս
ԱՄՆ- ն իրավունք չունի միանձնաբար որոշում ընդունել Ղոդսն (Երուսաղեմ) Իսրայելի մայրաքաղաք ճանաչելու մասին, ամբողջ աշխարհը դեմ Է դրան:
Այդ մասին, ինչպես տեղեկացնում Է «Արմենպրես»-ը, հայտարարել Է Պաղեստինի ազգային վարչակազմի ղեկավար Մահմուդ Աբասը: «Թրամփը ցանկանում Է Ղոդսն (Երուսաղեմ) նվիրել Իսրայելին, կարծես ինքը միակն Է աշխարհում, ով կարող Է որոշում ընդունել եւ կարծես սոսկ իր խոսքը կշիռ ունի: Բոլոր երկրները՝ Ճապոնիայից մինչեւ Կանադա, նույնիսկ այն երկրները, որոնք սովոր են լինել ԱՄՆ-ի կողքին, բոլորը դեմ են արտահայտվել: Մենք այստեղ ենք հավաքվել, որպեսզի ցուցադրենք միասնական դիրքորոշումը Պաղեստինի օկուպացման դեմ: Մեզ համար այժմ դյուրին չԷ, բայց մենք կհաղթենք»,- հայտարարել Է Աբասը՝ Ստամբուլում ելույթ ունենալով Իսլամական համագործակցության կազմակերպության արտահերթ գագաթնաժողովում, հաղորդել Է ՌԻԱ Նովոստին:
Armenpress.am
