Ասադ.«Սիրիան մասնատելու թշնամու դավադրությունը ձախողել է»
Սիրիայի նախագահն ասել է.«Սիրիայի բանակի հաղթանակները ճանապարհ հարթեցին երկրում կայունություն հաստատելու համար»:
Լիբանանի «Ալ-Մենար» հեռուստաընկերության հաղորդման համաձայն, հինգշաբթի օրը, Դամասկոսում ՌԴ նախագահի հատուկ ներկայացուցիչ Ալեքսանդր Լավրենտևի հետ հանդիպման ժամանակ, Բաշշար Ասադն ասել է.«Ահաբեկիչների դեմ պայքարում Ռուսաստանի և մյուս դաշնակիցների հետ միասին Սիրիայի բանակի կարևոր հաղթանակները ձախողեցրին Սիրիան և տարածաշրջանը մասնատելու թշնամիների նախագիծը»:
Ասադն ընդգծել է, որ Արևմուտքը երկար ժամանակ էր ծրագրում Սիրիան մասնատելու համար:
Հանդիպման ժամանակ, Սիրիայի հարցերով ՌԴ նախագահի ներկայացուցիչը Մոսկվայի հովանավորությունն է հայտնել Սիրիայում ահաբեկչության դեմ պայքարի գործընթացի նկատմամբ:
Կողմերը քննարկել են տարբեր հարցեր, այդ թվում Սոչիում կայանալիք Սիրիայի թեմայով բանակցությունները և ընդդիմության հետ Սիրիայի կառավարության բանակցությունների գործընթացը:
