ԱՄԷ.«Եմենի Ալ-Հուդայդայում ռազմական գործողություններն ավարտվելու են»
Արաբական Միացյալ Էմիրությունները որպես Սաուդյան ագրեսիվ կոալիցիայի անդամ, Եմենի Ալ-Հուդայդա նահանգի օկուպացման նպատակով գործողություններն սկսվելուց և այդ գործում ձախողվելուց հետո, ռազմական գործողությունների ժամանակավոր դադարեցման մասին է հայտարարում, քաղաքական բանակցությունների համար հնարավորություն ստեղծվելու պատճառաբանությամբ: Այս մասին հաղորդում է ՖԱՐՍ լրատվական գործակալությունը:
Արտաքին հարցերով Էմիրությունների կառավարության խորհրդատու նախարար Էնվեր Ղարղաշը անհիմն հայտարարություն է արել, ասելով, որ այս քայլը կատարվում է Ալ-Հուդայդայից «Անսար Ալլահ» շարժման ուժերի նահաջելու շուրջ համաձայնություն ձեռք բերվելու նպատակով Եմենի հարցերով ՄԱԿ-ի հատուկ ներկայացուցիչ Մարթին Գրիֆիցի առաքելության իրականացման շրջանակում:
Եմենի հարցերով ՄԱԿ-ի հատուկ ներկայացուցիչն ավելի վաղ ասել էր. «Շուտով Եմենի հակամարտ կողմերը բանակցության սեղանի շուրջ կնստեն»:
Զգուշացնելով Եմենում հումանիտար իրավիճակի վատթարացման կապակցությամբ, Գրիֆիցն ասել է.«Ալ-Հուդայդա նավահանգստում լարվածությունների սրումը քաղաքական և հումանիտար ծանր հետևանքներ է ունենալու»:
