Եմենում սպանվել են տասնյակ սաուդցի վարձկաններ
Եմենի բանակը տարածել է մի հաղորդագրություն, որով հայտարարել է, որ անցած օգոստոսին սպանվել են 267 և վիրավորվել 407 սաուդցի վարձկաններ: Նաև կործանվել է սաուդցիներին պատկանող 45 ավտոմեքենա:
Հաղորդման համաձայն, սաուդցի վարձկանների դեմ եմենական ուժերի գործողությունների մեծ մասն իրականացվել են այդ երկրի արևմտյան ափերին, Ալ-Բեյզա և Ալ-Ջոֆ նահանգներում և Սաուդյան Արաբիայի հետ սահմանամերձ շրջաններում:
Սաուդյան Արաբիան ԱՄԷ-ի, ԱՄՆ-ի և մի քանի այլ երկրների հովանավորությամբ, 2015թ. մարտից ռազմական ոտնձգություն է իրականացնում Եմենի դեմ և ցամաքային, օդային ու ծովային շրջափակման է ենթարկել այդ երկիրը:
Եմենում Սաուդյան Արաբիայի ու իր դաշնակիցների ռազմամոլության հետևանքով, մինչ օրս զոհվել են ավելի քան 14 հազար եմենցիներ, տասնյակ հազարավորները վիրավորվել են: Միլիոնավոր եմենցիներ հայտնվել են փախստականի կարգավիճակում:
Սաուդյան Արաբիայի ռազմական ոտնձգության պատճառով, Եմենում կա դեղորայքի ու սննդամթերքի խիստ պակաս:
