Հյուսիսային Կորեան հաջողությամբ նոր զենք է փորձարկել
Հյուսիսային Կորեայի պետական լրատվական գործակալությունը տեղեկացրեց այդ երկրի առաջնորդ Կիմ Չեն Ինի ներկայությամբ ու վերահսկողությամբ ռազմավարական նոր արդիական զենքի փորձարկման մասին:
Համաձայն ԻՌՆԱ-ի հաղորդման, Հյուսիսային Կորեայի պետական լրատվական գործակալությունն ուրբաթ առավոտյան հայտարարեց, որ նոր զենքն ընդլայնում է Փխենյանի ռազմական կարողությունը:
Հաղորդման մեջ որևէ ակնարկ չի կատարվել փորձարկված զենքի տեսակին:
Հարավային Կորեայի «Յունհափ» լրատվական գործակալությունն էլ հաղորդել է, որ փորձարկված զենքի մասին մանրամասնությունները բացակայում են:
Ամերիկյան ԶԼՄ-ներ ավելի վաղ հայտարարել էին, որ Հյուսիսային Կորեան վերջին ամիսներին ԱՄՆ-ի հետ բանակցություններին զուգահեռ Փխենյանի մերձակայքում զբաղված է նոր հեղուկ վառելիքով միջմայրցամաքային հրթիռների արտադրմամբ:
