Գերմանիայում լցանավ է պայթել. կան զոհեր

Ռուսական RIA Novosti լրատվական գործակալության փոխանցմամբ՝ Գերմանիայի Դույսբուրգ քաղաքում Julius Rutgers լցանավում տեղի է ունեցել պայթյուն և բռնկվել հրդեհ, ինչի հետևանքով զոհվել է երկու մարդ, մեկ մարդ անհետ կորել է։

Այս մասին հայտնել է գերմանական ոստիկանությունը:

Ոստիկանության հաղորդմամբ՝ լցանավը կանգնած է եղել նավաշինարանում՝ վերանորոգման նպատակով։ Ոստիկանությունն ընդգծել է, որ պայթյունի պատճառները դեռ պարզված չեն։ Ներկա դրությամբ հրդեհը մարած է։