Հյուսիսային Կորեան հրթիռային նոր փորձարկում է իրականացրել
Հյուսիսային Կորեայի պետական լրատվական գործակալությունը տեղեկացրել է, որ այդ երկիրը փորձարկել է մարտավորական նոր հրթիռ:
Հյուսիսային Կորեայի KCNA լրատվական գործակալությունը հրապարակել է մի հաղորդագրություն, որում հայտնել է, որ այդ երկիրը երեկ փորձարկել է կառավարվող, մարտավորական նոր հրթիռ:
Փորձարկմանը ներկա է գտնվել Հյուսիսային Կորեայի առաջնորդ Կիմ Չեն Ընը։
Հյուսիսային Կորեայի նոր հրթիռային փորձարկումը առաջինն է համարվում փետրվարի 27-28-ին Հանոյում ԱՄՆ-ի և Հյուսիսային Կորեայի առաջնորդների գումարած նիստից հետո: Այդ նիստում կողմերին չի հաջողվել պայմանավորվածություն ձեռք բերել:
ԱՄՆ նախագահ Դոնալդ Թրամփը և Հյուսիսային Կորեայի առաջնորդ Կիմ Չեն Ընը երկու անգամ հանդիպում են ունեցել: Առաջինը Սինգապուրում, իսկ երկրորդը Հանոյում: Դոնալդ Թրամփի ագահությունն ու ավելորդ սպասելիքներն այդ բանակցությունների ձախողման հիմնական պատճառն են համարվում:
Վերջին շաբաթների ընթացքում, Հյուսիսային Կորեայի դեմ պատժամիջոցները շարունակվելուց, Հարավային Կորեայի սպառազինական նոր գնումներից, և Կորեական թերակղզում ԱՄՆ-ի ու նրա տարածաշրջանային դաշնակիցների զորավարժությունների նոր փուլից հետո, Հյուսիսային Կորեան հայտարարել է, որ եթե այդ գործընթացը շարունակվի, ապա Փխենյանը կվերսկսի իր հրթիռային փորձարկումները: